Kosova

Dardan Molliqaj kërcënon Vetëvendosjen: Në mbledhjen e ardhshme do të tregoj kush ishit në SHIK e kush mori pare nga Devollët

Deputeti i PSD’së Dardan Molliqaj ka kërcënuar ish-partinë në seancën e Kuvendit të Kosovës. Thotë se do të tregojë se kush prej tyre ishte pjesë e SHIK dhe cilët janë ata që kanë marrë para nga kompania ‘Devolli’.

‘Nëse doni prej mbledhjes së ardhshme kemi me fol kush u kanë SHIK që e ka pas shef atë atje (Kadri Veselin), kush ka qenë SHIK prej rendin tuaj (VV), kush ka marrë pare prej Devollëve edhe për secilin send që doni. Ama ato nuk kemi me i bërë ‘më the e të thash’ as nëpër emisione por kemi me i bërë këtu ne altoparlant me i ngu krejt e me ju përsërit sikurse atyre. E ju në paqi najsend qitni krejt por jo nëpër Facebook e tu u fsheh nëpër bira …. këtu dilni publikisht që dini najsen”, tha Molliqaj në Kuvend.