EKONOMI

Bordi i Telekomit sqaron pse dështoi mbledhja e paraparë, prania e policisë thonë ishte për kolegët nga Posta

Për disa orë rresht pjesëtarë të shumtë të Policisë së Kosovës kanë qëndruar brenda dhe jashtë dy objekteve, atij të Postës dhe Telekomit.

Bordet e të dyja këtyre institucioneve pritej që të mbanin mbledhje gjatë ditës.
Derisa ka dështuar mbajtja e mbledhjes së Bordit të Përkohshëm të Telekomit, ai i Postës ka shkarkuar menaxhmentin e ndërmarrjes.

Ministrja në detyrë e Ministrisë së Ekonomisë, Rozeta Hajdari, ka arsyetuar shkarkimet me faktin që, sipas saj, Posta është degraduar në 3 vjetët e fundit, raporton KOHA.

Hajdari ka thënë se 2 milionë euro humbje në vitin e fundit ka pasur kjo ndërmarrje.

Kryesuesi i këtij bordi, Mentor Arifaj, ka numëruar një varg shkeljesh që, sipas tij, janë bërë në këtë ndërmarrje, e për të cilat tha se janë faktuar edhe nga Zyra e auditorit.

Arifaj ka thënë se Bordi ende nuk ka marrë vendim për punësimet që janë bërë në Postë.

Përmes një reagimi drejtuar mediave kanë reaguar kryeshefi ekzekutiv i Postës, Shefqet Avdija, dhe drejtori kryesor financiar, Behxhet Maliqi.

Avdija dhe Maliqi shkarkimin e tyre e kanë quajtur politik dhe të paligjshëm derisa kanë thënë se Bordi ka qenë ai i cili ka përfshirë Policinë e Kosovës brenda objektit të Postës.

Derisa mbledhja e Bordit të Telekomit nuk u mbajt fare.

Burime të KTV-së kanë deklaruar se pikërisht në rend dite ishte shkarkimi i kryeshefit dhe drejtorit financiar, porse votimi i tyre ishte në pikëpyetje për shkak të pozicionimit të të dy anëtarëve të Bordit që, sipas informacioneve, janë të afërt me LDK-në e që nuk pritej të votonin njëjtë si dy anëtarët e tjerë që kanë afërsi me VV-në.

KTV-ja ka kontaktuar me kryeshefin e Telekomit, Bedri Istrefi, i cili ka thënë të mos jetë në dijeni se në agjendë të Bordit parashihej shkarkimi i tij.

Zyrtarë të Telekomit e kanë shprehur revoltën e tyre për rrethimin e objektit, pasi, sipas tyre, prania e Policisë së Kosovës ua kujton atyre kohërat e ish-pushtetit.

Bordi i Telekomit ka sqaruar se pse ka dështuar mbajtja e mbledhjes, por, sipas tyre, prania e forcave policore ishte për kolegët e tyre nga Posta.

Shfaq më shumë

Lini një Përgjigje

Adresa juaj email s’do të bëhet publike.

//chooxaur.com/4/3473483