Kosova

Besnik Tahiri – Kurtit e Vitisë: Çka dreqi u bo që nuk po i blini vaksinat kundër Covid-19?

Shefi i grupit parlamentar të AAK’së, Besnik Tahiri ka kritikuar punën e Ministrisë së Shëndetësisë. Ai thotë se qeveria me në krye Albin Kurtin po tregon mosaftësi në kryerjen e detyrave shtetërore.

“Një pyetje për kryeministrin Kurti dhe për ministrin Vitia. A bën me na tregu burra çka o problemi? Buxhetin e keni, sistemin një burimor të një kontraktimi për blerjen e vaksinave e kanë. Për këtë temë nuk kanë opozitë”, tha ai për RTV21.

“Në histori të qeverisjes për një temë madhore siç është kjo, opozita është bashkë me qeverinë. Prandaj jemi bashkë. Si Aleancë ne veç do t’i duartrokasim blerjes së vaksinave”, theksoi Tahiri.

“Atëherë çka dreqin u bo që s’po i blejnë këto vaksina? A është problem keqmenaxhimi a është problem mosveprimi. Mund të lindin dyshime edhe për korrupsion. Nuk po aludoj, mirëpo fakti që krejt janë pro, buxheti është dhe nuk po vendoset, atëherë kjo tregon se s’kanë zotësi”, përfundoi Tahiri.