Bota

Belgjika zgjat masat e bllokimit deri në muajin prill

Masat e bllokimit në Belgjikë janë zgjatur deri më 1 prill, por disa kufizime do të lehtësohen nga data 13 shkurt.

Sipas CNN, përcjell Telegrafi, sallonet e bukurisë do të hapen më 13 shkurt në kushte të rrepta derisa sallonet e tjera si dhe të atyre artistëve të tatuazheve mund të rihapen nga 1 marsi.

Baret dhe restorantet, të cilat janë mbyllur që nga tetori i vitit të kaluar, do të qëndrojnë të mbyllura, ashtu edhe objektet e tjera komunale.

“Situata e pandemisë në vendin tonë ka qenë mjaft e qëndrueshme që nga fillimi i dhjetorit, ne kemi parë që pranimet në spital po zvogëlohen dhe numri i vdekjeve po pëson rënie, por nga ana tjetër, ne shohim se numri i infeksioneve të konfirmuara mbetet përafërsisht në të njëjtin nivel”, tha kryeministri belg Aleksander de Croo.

Belgjika ka regjistruar që nga fillimi i pandemisë më shumë se 721 mijë raste si dhe 21 mijë viktima.