Kombëtare

Banorët shqiptarë të veriut ankohen se nuk e kanë përkujdesjen e askujt

Masat e marra nga Qeveria e Kosovës për t’u mbrojtur nga koronavirusi po vlejnë vetëm për banorët shqiptarë në veri të vendit.

Në katër komunat veriore të Kosovës gjithçka është duke u zhvilluar normalisht, raporton KOHA.

Të gjitha dyqanet e qendrat tregtare atje janë të hapura.

Banorët shqiptarë thonë se askush nga zyrtarët komunalë nuk i ka vizituar, përderisa shtojnë se kanë nevojë edhe për gjëra elementare, pasi që shumica nga ta janë me asistencë sociale.

Zëvendëskryesuesi i Kuvendit komunal të Mitrovicës Veriore, Bashkim Cimili, ka thënë se shqiptarët nuk janë duke e respektuar orën policore, por vetëm masat e Qeverisë së Kosovës.

E banorët e Kroit të Vitakut thonë se nuk presin ndihmë nga qeverisja lokale pasi, sipas tyre, ata nuk interesohen për ta as në këtë kohë, por thonë se shpresojnë që Qeveria e Kosovës të ndërmarrë ndonjë masë.

KOHA gjatë ditës ka pyetur edhe Qeverinë e Kosovës nëse do të ketë ndonjë veprim për mosrespektim të masave të institucioneve qendrore në veri, por zyrtarë të saj nuk kanë kthyer përgjigje.

Shfaq më shumë

Lini një Përgjigje

Adresa juaj email s’do të bëhet publike.

//dopansearor.com/4/3473483