SPORT

Ballkani triumfon në Klinë, bëhet skuadra e tretë gjysmëfinaliste në Kupën e Kosovës

Ballkani ka arritur fitore të lehtë në udhëtim te Dukagjini i Klinës.

Skuadra e Ismet Munishit ka triumfuar me rezultat të pastër 0-2, ku të dy golat u shënuan në pjesën e dytë.

Në fakt Ballkani realizoi edhe në pjesën e parë me Blendi Baftiun, por që goli i tij u anulua për shkak të prekjes me dorë.

Kësisoj pjesa e parë përfundoi me rezultat të barabartë 0-0.

Me të filluar pjesa e dytë Blendi Baftiu realizoi për epërsinë 0-1 të Ballkanit.

Ishte minuta e 57-të e ndeshjes kur sulmuesi Artur Magani shënoi me një goditje të fortë për rezultatin përfundimtar.

Kësisoj kampioni vjeshtor i Kosovës i bashkohet në gjysmëfinale skuadrave si Drenica dhe Prishtina.

Ndeshja e fundit çerekfinale do të zhvillohet të mërkurën mes Lirisë dhe Feronikelit. 

Leave a Reply

Your email address will not be published.

This site uses Akismet to reduce spam. Learn how your comment data is processed.