Bota

Apple ka blerë rreth 100 kompani në gjashtë vitet e fundit

Kompania amerikane e kompjuterave Apple ka blerë rreth 100 kompani në gjashtë vitet e fundit, tha drejtori ekzekutiv i saj Tim Cook.

Ai tha në mbledhjen e aksionerëve se kjo do të thotë se ajo bleu një kompani afërsisht çdo tre deri në katër javë.

Appple kohët e fundit njoftoi të ardhurat më të mëdha tremujore të të gjitha kohërave prej 111.4 miliardë dollarësh në tremujorin e parë të vitit 2021 fiskal.

Cook tha se blerjet janë përqendruar kryesisht në marrjen e teknologjisë dhe talentit.

Blerja më e madhe e Apple në dekadën e fundit ishte blerja e kompanisë “Bits electronics”, një prodhues i kufjeve, me vlerë tre miliardë dollarë, e cila u themelua nga reperi dhe producenti Dr. Dre.

Një blerje tjetër e rëndësishme ishte kompania e programeve të njohjes së muzikës Shazam për 400 milion dollarë në 2018.

Apple zakonisht blen kompani të vogla të teknologjisë dhe më pas inkorporon risitë e tyre në produktet e veta.

Një shembull është PrimeSense, një kompani izraelite e sensorëve 3D teknologjia e së cilës ka kontribuar në sistemin e njohjes së fytyrës të Apple.

Apple gjithashtu ka investuar në teknologji sfondi që nuk do të ishte aq i qartë për përdoruesit e iPhone dhe MacBook.

Lista e blerjeve dhe investimeve të Apple është jashtëzakonisht e larmishme, sipas BBC.

Në vitin e kaluar, Apple ka blerë disa kompani që merren me inteligjencë artificiale, realitet virtual, podcast dhe financim fillestar.

Në vitin 2019, Apple bleu kompaninë Drive për një anije vetë-drejtuese në një përpjekje për të rritur pjesën e saj në teknologjitë e vetë-drejtimit.