SPORT

Alioski: Merituam një pikë ndaj Ukrainës, duhet të luajmë gjithë ndeshjen sikurse pjesën e dytë

Maqedonia e Veriut pësoi humbjen e dytë nga dy ndeshje në “Euro 2020”, kësaj radhe ndaj Ukrainës me rezultat 2-1.

Golin e vetëm për Maqedoninë e Veriut e shënoi futbollisti shqiptar, Ezgjan Alioski.

Shqiptari ka folur pas ndeshjes, duke besuar që skuadra e tij e meritoi një pikë.

“Në pjesën e parë duhet të kishim presion më të mirë, të ishim më agresivë dhe ky ishte problemi ynë, nuk u futëm në ritëm. Ne pësuam dy gola dhe është vështirë të kthehesh kur je duke humbure 2-0 në Evropian”.

“Ne duhet të kishim luajtur tërë ndeshjen si në pjesën e dytë. Çdo ndeshje është e vështirë, duhet të jesh maksimalisht i përqendruar dhe serioz”.

“Ishte e rëndësishme për ne të merrnim një pikë sot dhe me atë që treguam në pjesën e dytë merituam. Pse nuk luajtëm tërë ndeshjes si në të dytën, kjo është një pyetje, por tani po pyesim pse, sepse është thjesht futboll”, ka thënë Alioski.

Në këtë takim luajtën nga fillimi edhe tre futbollistët tjerë shqiptarë, Enis Bardhi, Arijan Ademi dhe Visar Musliu.

Egzon Bejtullai dhe Ferhan Hasani e shikuan ndeshjen nga stoli.