Një alarm i ri i motit ekstrem është lëshuar në Toskana të Italisë ku përmbytjet së fundmi vranë tetë persona.

Ndërkaq shkollat dhe parqet do të mbyllen sot në Livorno dhe në provincën Massa Carrara, raporton Ansa.

Alarmi portokalli është shpallur pasi një valë e re e motit të keq ka mbërritur në Itali, duke prekur kryesisht rajonet qendrore dhe jugore.

Gjithashtu do të ketë një alarm të verdhë të premten në Kalabri, Sardenjë, Abruzzo, Basilicata, Lazio, Molise, Pulia, Siçili, Umbria dhe Campania.