Kombëtare

Aksidenti në Gjilan, ndalohet pronari i kompanisë “Uji i Pejës”

Pronari i kompanisë së ujit, kamioni i së cilës shkaktoi dje aksidentin në qendër të Gjilanit është ndaluar sot.

Në Prokurorinë e Gjilanit kanë treguar për Express se ndalimi i tij është bërë pasi mbi të  rëndon vepra “Mbikëqyrje e pandërgjegjshme e trafikut rrugor”. I njëjti është ndalur për 48 orë.

“Po, mund të konfirmojmë se pronari i kompanisë është ndaluar, pasi ka përfunduar intervistimi. Ky është ndaluar për 48 orë fillimisht në drejtim të veprës mbikëqyrje e pa ndërgjegjshme e trafikut publik”.

Prokuroria Themelore në Gjilan gjatë ditës së sotme ka njoftuar se ka kërkuar masën e paraburgimit për M. A, shoferi i kamionit, pasi që i njëjti dyshohet se gjatë ditës së djeshme ka shkaktuar aksidentin në qendër të Gjilanit, ku një person ka vdekur ndërsa 27 të tjerë janë lënduar.

Leave a Reply

This site uses Akismet to reduce spam. Learn how your comment data is processed.