Kosova

Aksident në rrugën Deçan-Gjakovë, përfundon në ara vetura e Policisë së Kosovës

Mëngjesin e sotëm, konkretisht rreth orës 08:20, policia është njoftuar për një aksident trafiku mes dy veturave. Një veturë civile dhe tjetra e Policisë së Kosovës.

Si pasojë e aksidentit dy persona kanë pësuar lëndime trupore, të cilët janë dërguar për trajtim mjëkësor dhe janë jashtë rrezikut për jetë.

Lajmin për Express e ka konfirmuar Fadil Gashi, zëdhënës në policinë rajonale të Pejës.

“Në orën 08:20 policia është njoftuar për një aksident trafiku në rrugën Deçan-Gjakovë. Dy vetura janë aksidentuar, njëra e policisë e tjetra civile. Dy persona janë lënduar dhe janë dërguar për trajtim mjekësor, janë jashtë rrezikut për jetë”, tha Gashi për Express.

Pamje nga vendi i ngjarjes ka dërguar një lexues i Expressit.

Ende nuk dihen shkaqet e aksidentit.