Kombëtare

Hoti në Viti: Jam i bindur se do të dalim shumë mirë në këto zgjedhje, duke mos pasur as luhatjen më të vogël

Në takimin me degën e Vitisë, Kryeministri Hoti tha se, qeverisja lokale në Viti është ndër më të mirat. 

“Vetëm Lidhja Demokratike ka mundur të prijë me këto procese, siç është menaxhimi me pandeminë, duke u renditur në mesin e vendeve që kanë menaxhuar më së miri me pandeminë, përkundër shumë sfidave me infrastrukturën shëndetësore”, tha kandidati për kryeministër Avdullah Hoti. 

Ai theksoi se, vendi është gjetur i mbyllur dhe i lënduar, por kemi hapur dyert me Brukselin, Washingtonin dhe të gjitha kryeqendrat botërore. 

“Vetëm me vizionin e Lidhjes Demokratike të Kosovës kemi arritur të përmbushim ëndrrën e presidentit historik, Dr. Ibrahim Rugova, që orientimi ynë të mbetet perëndimi dhe miqësia e përhershme me ShBA-të dhe BE-në”, tha ndër të tjerash kryeministri Hoti. 

Ai bëri thirrje për mobilizim të fuqishëm të strukturave, anëtarësisë dhe gjithë qytetarëve për të mos e ndërruar kursin pro-perëndimor. /Kosova.info/