Kosova

Abbott takon Mustafën dhe Hazirin: Diskutuam për perspektivat e ardhshme të LDK-së

Ambasadori i Britanisë së Madhe në Kosovë, Nicholas Abbott, është parë tek zyrat e Lidhjes Demokratike të Kosovës, pasditen e së enjtes.

Pak kohë para se të fillonte mbledhja e kryesisë së LDK-së, Abbott kishte qëndruar në zyrat e kësaj partie.

Abbott përmes një postimi në Facebook, njoftoi se në LDK, ka takuar kryetarin në dorëheqje, Isa Mustafën dhe nënkryetarin në dorëheqje të LDK-së, Lutfi Hazirin.

Ai tha se kanë diskutuar për rezultatin e zgjedhjeve dhe perspektivat e LDK-së.

“Këtë pasdite takova Isa Mustafën dhe Lutfi Hazirin. Diskutuam rezultatet e zgjedhjeve dhe perspektivat e ardhshme të LDK-së.”, shkroi shkurt Abbott.

This afternoon I met Isa Mustafa and Lufti Haziri. We discussed the election results and future prospects of the LDK.

Posted by Nicholas Abbott on E enjte, 25 Shkurt 2021