Kuriozitet

A e kishte parashikuar ardhjen e Albinit në pushtet Adem Demaçi para shumë vitesh?

Adem Demaçi, një ndër figurat qendrore e dekadave të fundit të paraluftës, por edhe pasluftës. Shkrimtari, intelektuali e ish i burgosuri politik i regjimit jugosllav, kishte një vizion të qartë politik. Ai u shndërrua në frymëzim për shumë gjenerata. Albin Kurti, kryeministri aktual, shpesh shihet si një pasues i ideologjisë së tij politike.

Një ish i burgosur tjetër politik, Naim Ramadani, nga Ferizaj, kujton një bisedë të vitit 2008 me veprimtarin e ndjerë, Adem Demaçi, lidhur me të ardhmen politike të Albin Kurtit.

 Në një intervistë për Kohën Ditore, Ramadani ka treguar se e kishte pyetur nëse vetë Demaçi kishte gatishmëri të bëhej president po të arrihej konsensus politik në mesin e partive shqiptare.

“Amerikanëve, tha, iu bi në gjunjë, por tash duhet me pasë kompetenca. Tha: Nuk ka shtet pa referendum. I thashë: Po Albini? Tha: Albini është edhe ma i ‘koqitë’ se unë. Tha: Me mbyt e mbyt, po pe nuk lëshon. I thashë: Po kur vjen koha e tij? Tha: Më 2018. I thashë: Larg. Aa, tha, me hy në politikë dhe me mbërri mrena natës, kejt kishim hy. (Albini,v.j.) e ka mirë, tha”, kujton Naim Ramadani bashkëbisedimin me Demaçin, te varri i të cilit kryeministri Kurti e kryekuvendarja Osmani bënë homazhe në 12-vjetorin e Pavarësisë. “Qe, njerëzit e mëdhenj i dinë senet”.