Kosova

Abdullahu: Qeveria Hoti nuk e kuptoi djallëzinë e Vuçiqit

Analistit politik, Faton Abdullahu, vlerëson se Qeveria e Kosovës gaboi që në arsyetimin e mos lejimit të vizitës së presidentit serb Aleksandar Vuçiq në Kosovë, tha se “kjo është më shumë ofendim se provokim”.

Abdullahu, përmes një postimi në Facebook, ka thënë se “përpjekjes së Vuqicit për të hyrë në Kosovë si vizitor, me bashkëpunëtorët e tij të lartë, i kanë parapri edhe disa ‘vizita’ tjera nga shteti i tij në Kosovë. 10-15 ditë të fundit në Kosovë pa pritë e pa kujtu ka pasur ‘incidente’”.

Postimi i Abdullahut:

“Qeveria Hoti nuk e kuptoj djallezin e Vuciqit

Qeveria jonë ja huqi plotësisht kur në arsyetimin që dha për mos lejimin e vizitës së Vuciqit në Kosovë konstatoj se “kjo është më shumë ofendim se provokim”.

A kam të drejtë të konstatoj kështu ? Po shumë bile. Përpjekjes së Vuqicit për të hyrë në Kosovë si vizitor, me bashkëpunëtorët e tij të lartë, i kanë parapri edhe disa ‘vizita’ tjera nga shteti i tij në Kosovë. 10-15 ditë të fundit në Kosovë pa pritë e pa kujtu ka pasur ‘incidente’. Aty ku jetojnë serbët sic ishte rasti në Graqanicë thyrjen e një panoje apo edhe jashtë Kosovës në Luginë gjetja e kinse grumbullimit të armëve nga disa individë të panjohur. Në këtë vazhdë dje ndodhi edhe një tjetër ‘incident’ në Graqanicë u dogj flamuri serb në qendër të kësaj qyteze. Këto ‘incidente’ së pari propaganda serbe i shumfishoj në rrezikshëmri, dhe më pas i paraqiti si kërcënime të shqiptarëve kundër serbëve të pambrojtur të Kosovës. Më pas gjithnjë sipas këtij skenari të gatuar më heret e me djallëzi, Vuciqi u nis “në tokën e shenjtë serbe”  për t’i mbrojtur serbët që ja prap pa sulmohen e diskriminohen. Por kjo nuk kryhet me kaq. Sepse ka për qëllim edhe dy gjëra të menduara në advancë.

1) Që kështu të Vuciq të fitoj poena politik brenda në Serbi duke krijuar përceptimin të qytetarët atje se po mundohet ti mbroj serbët e Kosovës

2) T’i qoj mesazh Brukselit se nuk është rendi i dialogut me shqiptarët në Kosovë a e shihni cfarë po i bëjnë serbëve atje.

Dhe Qeveria jonë (Ministria e Punëve të Jashtme) si “normale dhe për normalizim që është” nuk e kupton këtë apo i bije më mirë që të shtiohet se nuk e kupton këtë rrezik. Ndërkohë që ajo duhet të veproj shpejt për ta demaskuar këtë kërcënim të paqes në Kosovë dhe rajon nga Beogradi zyrtar dhe ti tregoj për këtë Brukselit. Por si duket qaveritarët tanë as kjo pra as ky kërcënim nuk po mund t’i bëjë bashkë. Keq shumë keq” (sic.), ka shkruar Abdullahu.

Ministrja e Punëve të Jashtme dhe Diasporës në Qeverinë e Kosovës, Meliza Haradinaj-Stublla ka njoftuar të shtunën se ka refuzuar kërkesën për vizitë në Kosovë të presidentit të Serbisë, Aleksandar Vuçiq dhe dy zyrtarëve të tjerë serbë.

Ministrja Haradinaj-Stublla tha se kërkesa e presidentit Vuçiq, ministrit të Mbrojtjes, Alleksandar Vulin dhe shefit të Zyrës për Kosovën në Qeverinë serbe Petar Petkoviq për të vizituar Kosovën, vjen në një kohë kur në Serbi po kryhen gërmime pas gjetjeve të mbetjeve mortore “të shqiptarëve të vrarë e masakruar në luftë, 21 vjet më pas”.

Sipas saj, kërkesa për vizitë në Kosovë të zyrtarëve serbë, “ofendim më tepër se provokim”.