Bota

114 emigrantë shpëtohen në Mesdhe

Rreth 114 migrantë në dy anije në brigjet e Libisë u shpëtuan sot nga një anije e OJQ-së “Sea-Eye”, njoftoi organizata gjermane.

“Anija Alan-Kurdi, e regjistruar nga organizata gjermane, ka shpëtuar tashmë 90 migrantë në një anije të mbingarkuar në brigjet e Libisë, përpara se të merrte në bord 24 refugjatë të tjerë nga një anije të vogël peshkimi”, theksoi “Sea-Eye” në një deklaratë.

“Mes 114 personave të marrë në ngarkim bëjnë pjesë tetë gra, mes të cilave një grua shtatzënë dhe tetë fëmijë”, tha Sea-Eye. “Këta refugjatë, kur janë në vështirësi në një anije u dorëzohen libianëve ose detit. Por ata tani janë në një anije gjermane dhe më në fund po trajtohen si qenie njerëzore”, theksoi Jan Ribbeck, drejtor i Operacioneve Sea-Eye.

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.