Çikago,

Duke folur në një forum politik në Çikago, qytet ky që është bërë nikoqir i samitit të  NATO-s, që fillon të dielën, Rasmusen ka thënë se “ne nuk mund të zgjidhim problemet në Afganistan pa angazhimin pozitiv të Pakistanit.”

Rasmusen përsëriti gjithashtu se aleanca ushtarake do të vazhdojë të ndihmojë  Afganistanin pas tërheqjes në vitin 2014.

Presidenti i Pakistanit Asif Ali Zardari është ftuar në samitin në Çikago në mes të pritjeve se Islamabadi do të heqë bllokadën gjashtë-mujore kundër kamionëve furnizues të NATO-s.

Uashington, 19 maj 2012 –

Obama ka bërë këto komente gjatë samitit të G8-ës në Kamp Dejvid.

Në Uashington, i dërguari i Kremlinit për Afrikën, tha se udhëheqësit e G8-ës ende nuk kanë rënë dakord mbi deklaratën pëtrfundimtarë për Sirinë.

Mihail Margelov tha se qëndrimi për të mos ndërhyrë i Rusisë ka mbetur i pandryshuar.

Ndërkohë, të paktën nëntë persona janë raportuar të vrarë dhe dhjetra të plagosur pas shpërthimit të një makine bombë në lindje të Sirisë.

Gjakovë, 19 maj 2012 –

Raca e gjedheve dhe praktika e rritjes së tyre është duke u përmirësuar çdoherë e më shumë sipas ministrit Stavileci. Ai tha se politikat racore në sektorin e blegtorisë janë të orientuara drejt krijimit të një fondi të qëndrueshëm për populacionin e bagëtive me bazë gjenetike të prodhimtarisë së lartë. “Nëse e krahasojmë këtë panair sot, me dy vitet e mëparshme, me të vërtetë është diçka që na trimëron dhe na jep shpresë të gjithëve për një të ardhme më të ndritshme të këtij sektori. Ka rritje të madhe të interesimit për t’u marrë me veprimtari bujqësore e blegtorale dhe një tregues i mirë i kësaj, nëse i referohemi të dhënave të para dy ditëve, kur kemi përmbyllur procesin e aplikimit është se në këtë raund kanë aplikuar rreth 24 mijë fermerë për të përfituar nga përkrahja e ministrisë”, deklaroi Stavileci.

Ai tha se në këtë vit përveç që do të ketë rritje të subvencioneve në 50 euro për krerë të lopëve qumështore, të cilat janë duke ndikuar në rritjen e fondit të gjithëmbarshëm të bagëtisë, do të përkrahet shumë më tepër edhe promovimi i veprimtarive bujqësore dhe blegtorale.

Ndërsa, kryetari i komunës së Gjakovës, Pal Lekaj, tha se fermerët që prezantojnë në këtë panair sukseset e tyre në mbarështimin e bagëtisë, kanë mundësi që të krijojnë edhe kontakte të drejtpërdrejta mes vete dhe t’i këmbejnë me njëri-tjetrin përvojat e tyre. “Ekspozimi i shumë racave dhe kategorive të gjedheve nga tërë vendi në këtë panair dhe zgjedhja e fermerit më të mirë është një përkrahje promovuese dhe stimuluese për fermerë, mirëpo kjo ngjarje ju shërben fermerëve edhe për të krijuar kontakte të reja dhe për ta rritur bashkëpunimin me njëri-tjetrin”, tha Lekaj.

Në panair ishin të ekspozuara rreth 60 krerë të gjedheve nga vende të ndryshme të Kosovës dhe në kategorinë e gjedhit elitë, për shkak të fenotipeve dhe vetive më të mëdha prodhuese, nga komisioni vlerësues fitues është zgjedhur blegtori Lendrit Popaj nga fshati Fortesë i Rahovecit, i cili mbarështon gjedhe të racës simental.

Gjatë kësaj dite, ministri Stavileci ka vizituar edhe blegtorin Musa Shehi në fshatin Sheremet, i cili kishte 48 lopë qumështore, blegtorin Florin Shala në Junik, i cili ishte përfitues i subvencioneve për 30 krerë të lopëve qumështore, biznesmenin Zef Pervorfi në fshatin Dujakë, që kishte 75 lopë qumështore, si dhe blegtorin Adem Sutaj në fshatin Damjan të komunës së Gjakovës, i cili ishte përfitues i subvencioneve të Ministrisë së Bujqësisë për 39 krerë të lopëve qumështore. /KI/

ShBA, 19 maj 2012 –

Duke folur të shtunën në një takim të udhëheqësve të G8-ës në Kamp Dejvid afër Uashingtonit, Obama shfaqi shpresën në lidhje me bisedimet e javës së ardhshme mes fuqive botërore dhe Iranit në Bagdad.

Megjithatë, ai tha se do të vazhdohet me “qasjen e sanksioneve dhe presionit në kombinim me diskutimet diplomatike”.

Irani gjatë ditës tha se sanksionet mbi programin e diskutueshëm bërthamor të tij duhet të hiqet në bisedimet që zhvillohen më 23 maj në Bagdad.

Beograd, 19 maj 2012 –

Ai, megjithatë, nuk ka zbuluar detaje të këtij koncepti, por ka komentuar se diçka duhet të ndryshojë, në mënyrë që dialogu të jetë efektiv.

Lajçak ka bërë këto komente për të përditshmen e Beogradit, “Veçernje Novosti”.

Vazhdimi i dialogut me Kosovën është një nga kushtet që Bashkimi Evropian ia ka vënë Serbisë, para se t’ia caktojë datën e fillimit të negociatave për anëtarësim.

Serbia ka marrë tashmë statusin e kandidates për në BE, dhe një nga kriteret e plotësuara ka qene dialogu me Kosovën i zhvilluar në Bruskel, nën ndërmjetësimin e BE-së.

Kosova, si shpërblim për këtë dialog, ka marrë studimin e fizibilitetit.

Dialogu aktualisht është pezulluar për shkak të zgjedhjeve parlamentare dhe presidenciale në Serbi.

Ndryshe, në 9 raunde negociatash në Bruksel, janë arritur 7 marrëveshje, zbatimi i të cilave edhe më tej lë shumë për të dëshiruar, me palët që fajësojnë njëra-tjetrën për ngecjen e tyre.

Prishtinë, 19 maj 2012 –

Dragisha Kërstoviq, politikan serb nga Leposaviqi, vlerëson se aktualisht nuk ka indikacione se mund të gjenden bashkëbisedues në mesin e udhëheqësve ose politikanëve serbë në veri të Kosovës, të cilët do të ishin të gatshëm të bisedonin me Qeverinë e Kosovës. Kjo situatë, sipas tij, është e tillë për shumë arsye.

“Para së gjithash, një numër i njerëzve me ndikim politik, të cilët janë me kapacitete politike që nuk mund të vihen në dyshim, nuk do të pranojnë që për këtë temë të bisedojnë fare. Një numër tjetër i njerëzve nuk do të jetë i gatshëm që t’i pranojë bisedimet lidhur me këtë temë për arsyen e thjeshtë, sepse nuk dëshirojnë që të jenë dikush që do të vendoset në ‘murin e turpit’ dhe do të shpallen si tradhtarë”.

“Do të thotë, edhe nëse eventualisht ka njerëz të tillë, ata në këtë moment, për këto arsye, nuk do të jenë të gatshëm që të hyjnë në dialog të tillë me Qeverinë e Kosovës”, thotë Kërstoviq për Radion Evropa e Lirë.

Por, bazuar në situatën aktuale dhe rrethanat ekzistuese në veri të Kosovës, qasje krejtësisht tjetër ka, Mazllum Baraliu, ekspert i çështjeve juridike dhe njohës i rrethanave politike në vend.

Sipas Baraliut, Qeveria e Kosovës fare nuk duhet të shpenzojë energjinë për të gjetur përfaqësues serbë në veri për të biseduar. Baraliu thotë për Radion Evropa e Lirë se integrimi i veriut duhet bërë bazuar në atë që ofron dokumenti i Ahtisarit dhe Kushtetuta e Kosovës.

“Biseda me qytetarë, si një dialog i zakonshëm me qytetarë që do të duhej ta bëjnë qeveritë dhe që e bëjnë zakonisht, është normale. Por, jo biseda politike dhe jo biseda për ndonjë status tjetër, për çka ekzistojnë pretendimet jashtëzakonisht rigjide dhe do të thosha të rrezikshme të Serbisë. Jo vetëm pretendimet, por edhe veprimet e saj”.

“Pra, nuk ka nevojë për një plan të veçantë, siç po pretendohet dhe trumbetohet herë pas here, por thjesht, zbatimi i Planit të Ahtisarit që është i inkorporuar në Kushtetutë edhe në atë pjesë, në ato tri komuna, sikurse në pjesët tjera”, vlerëson Baraliu.

Ndërkaq, Baraliu fajëson organizmat ndërkombëtarë, si Misionin e Kombeve të Bashkuara në Kosovë dhe Misionin Evropian për Sundimin e Ligjit, për, siç thotë ai, pengesë të fuqizimit të rendit dhe ligjit në veriun e Kosovës.

Ndryshe, Kërstoviq shpreh mendimin se Qeveria e Kosovës duhet të jetë fleksibile dhe e durueshme lidhur me çështjen e një dialogu për normalizimin e gjendjes në veri të vendit.

“Mendoj se Qeveria e Kosovës një gjë të tillë duhet ta shtyjë, ndonëse jo për kohë të gjatë dhe bisedimet e tilla t’i zhvillojë me Qeverinë e ardhshme të Republikës së Serbisë, konfiguracioni i së cilës do të jetë pak më ndryshe se sa që ishte deri më tash”.

“Ndoshta aty do të gjendet një gjuhë e përbashkët. Unë nuk jam optimist edhe për këtë, por mendoj se megjithatë do të ishte më mirë që Qeveria e Kosovës t’i zhvillojë bisedimet e tilla me Beogradin ose njëkohësisht me Beogradin dhe me serbët e veriut të Kosovës”, thekson Kërstoviq.

Por, për Baraliun, edhe në qoftë se Qeveria e Kosovës zgjedh variantin për të biseduar me politikanët serbë në veri, një gjë e tillë do të jetë vështirë e realizueshme, për shkak se në veri  nuk ka udhëheqës. Sipas tij, atje tash ekzistojnë vetëm struktura krimogjene dhe jo legjitime, me të cilat nuk mund të bisedohet.

“Strukturat, me të cilat mund të bisedohet atje, nga niveli qendror i institucioneve tona dhe i Qeverisë, është ose do të ishin pikërisht pas zgjedhjeve që do të duhej të mbaheshin atje në bazë të Planit të Ahtisarit, dhe atëherë strukturat legale dhe legjitime që do të dilnin nga ato zgjedhje, do të ishin kryetarët e komunave dhe organet e atjeshme. Me ta do të mund të bisedonin dhe do të duhej biseduar për ndonjë infuzion ekonomik, për ndonjë shqetësim të tyre”, shton Baraliu.

Ndryshe, Baraliu thekson se realizimin e zgjedhjeve që do të organizoheshin nga institucionet e Kosovës në veri të vendit, e kanë për detyre mekanizmat ndërkombëtarë.

Por, sipas tij, këta mekanizma janë duke hezituar dhe një gjë e tillë krijon përshtypjen te qytetarët dhe njohësit e rrethanave politike se ekzistojnë faktorë të caktuar që nuk dëshirojnë ta stabilizojnë gjendjen në veri.

Çikago, 19 maj 2012 –

Një varg temash janë caktuar për këtë samit, ndërsa në deklaratën përfundimtare të tij pritet të vlerësohet edhe puna e deritashme e NATO-s në Kosovë, ku përmes operacionit të KFOR-it, aleanca me partnerët e vet është duke vazhduar të krijojë një ambient të sigurt.

Rajoni i Ballkanit do të jetë temë e diskutimeve, po ashtu, edhe në disa takime në margjinat e këtij samiti të NATO-s dhe atë në takime të ndara të ministrave të Mbrojtjes dhe ministrave të Jashtëm.

Pritet që edhe nga ky samit NATO-ja të përsërisë përkushtimin për të vazhduar kontributin në rajonin e Ballkanit, por edhe për të vazhduar procesin e zgjerimit të aleancës përmes vazhdimit të politikës së dyerve të hapura.

Sa i përket rajonit të Ballkanit, në NATO pohojnë se pavarësisht sfidave që ekzistojnë ende në këtë rajon, ai është i qetë dhe është arritur përparim i dukshëm në aspektin e sigurisë.

Si dëshmi e suksesit të NATO-s përmendet edhe fakti se tashmë Shqipëria  dhe Kroacia janë vende të barabarta anëtare të NATO-s, të cilat ndihmojnë në operacionet e tjera nëpër botë. Ndërkohë që vendet tjera të rajonit janë ose në procesin e planit të veprimit për anëtarësim ose partnerë të NATO-s.

Por, tema më të vështira sesa Ballkani në këtë samit, do të jenë Afganistani dhe plani i NATO-s për të përmbyllur operacionin ushtarak në këtë shtet deri në vitin 2014.

Angazhimi kryesor i shefave të shteteve të NATO-s në këtë samit do të jetë edhe transformimi i aleancës për t’u përgatitur për përballjen me sfidat e reja të sigurisë, të cilat janë të ndryshme nga ato që ishin në rastin e ndërhyrjeve në Bosnje dhe Kosovë.

Presidenti amerikan, Barak Obama, është shprehur jashtëzakonisht i lumtur se pikërisht nën qytetin e tij zhvillohet samiti i NATO-s. Ai ka thënë se Çikago është një vend i përsosur për të forcuar lidhjen ndërmjet SHBA-së e Kanadasë me partnerët e tyre në Evropë.

Edhe ky samit është duke u zhvilluar nën masa të rrepta të sigurisë, ndërsa në qytet gjatë ditës ka pasur disa protesta. /rel/

Ky eveniment tashmë tradicional ka sjellur në Prishtinë rreth 400 kompani ekspozuese me renome nga rajoni, vendet e BE-së, dhe më gjerë etj. Në EXPOKOS 2012 morrën pjesë kompani nga Kosova, Shqipëria, Maqedonia, Kroacia, Sllovenia, Gjermania, Hungaria, Austria, Çekia, Greqia, Belgjika, Italia, Holanda, Anglia, Turqia, Serbia dhe Bullgaria.

Kompani me renome nga rajoni dhe vendet e BE-së, ekspozuan për katër ditë një gamë të gjerë të prodhimeve ndërtimore, teknikës, energjetikës dhe mobilierisë para bizneseve e qytetarëve të vendit në panairin ndërkombëtar EkspKos. Ndërmarrjet prodhuese po promovuan të arriturat e tyre në lëmin e ekonomisë, inovacioneve dhe krijimin e kontakteve me vizitorët, ndërmarrje nikoqire dhe distributorë në rritjen e imazhit të prodhimeve në Kosovë.

Pjesëmarrësit shprehen se janë të kënaqur me ecurinë e panairit dhe numrin e vizitorëve dhe kontakteve.

Milijenko Juratovac, nga Oda Ekoomike e Kroacisë, tha se  në panair morrën pjesë dhjetra kompani kroate që janë nën organizmin e odës, mirëpo ka edhe kompani individuale. Ai tha se janë shumë të kënaqur me numrin e kontakteve me vizitorët. “Presim që investimet kroate në Kosovë do të rriten me prodhime të reja”,tha përfaqësuesi i bizneseve kroate.

Edhe Ilirijana Shehu, drejotesh e Odës Ekonomike Të Kroacisë në Kosovë, tha se, kompanitë kroate po kërkojnë tregun. Këtu janë mbi 100 kompani kroate që kanë përfaqësitë e tyre që kanë shënuar suksese të mëdha. Ajo trgeoi se në panair ishin 24 kompani  dhe vitin tjetër do të sjellin më shumë kompani në panair.

Ndërsa Drazhan Horvat, zyrtar nga Oda e Tregëtisë  së Kroaisë, tha se në këtë panair kanë sjellë kompani nga Kroacia dhe janë shumë të kënaqur me vizitat në stendat e tyre.