Tiranë, 4 shkurt 2012

Pas rreth 60 minutave dramë, personi që u identifikua si shtetasi Qemal Xhura, 50 vjeç nga Tirana, i divorcuar u tërhoq nga vendimi që kishte marrë dhe u largua nga vinçi.

Policia mori në dorëzim personin, gjendja psikoligjike e të cilit ishtë tepër e rënduar.

Siç mëson TVNews24, Xhura deklaroi për forcat policore se është një ish-i përndjekur politik, i divorcuar dhe ka një gjendje ekonomike tepër të rënduar, dhe se këto ishin shkaqet që e çuan të ndërmerrte këtë veprim ekstrem.

Tiranë, 4 shkurt 2012

Varrezat monumentale janë projekti i parë i rëndësishëm që merr formën e realizimit për shqiptarët e Çamërisë që prej gjenocidit dhe spastrimit etnik të ushtruar ndaj tyre në fund të Luftës së Dytë Botërore nga ushtritë greke.

Gjatë kësaj ceremonie, kryetari i komisionit përzgjedhës, Artan Lame theksoi rëndësinë e projektit, duke nënvizuar se tashmë shqiptarët e Çamërisë do të kenë një pikë pelegrinazhi për të respektuar paraardhësit e tyre.

Çmimin e parë e akordoi kryetari i Partisë Drejtësi, Integrim dhe Unitet, Shpëtim Idrizi, i cili ishte edhe mbështetësi kryesor i këtij konkursi. Gjatë fjalës së tij, Idrizi theksoi se tashmë do të vijohet për realizimin e projektit dhe për këtë do të kërkohet ndihma e të gjithë shqiptarëve, si edhe e qeverisë.

Varreza monumentale e shqiptarëve të Çamërisë në Qafë Botë është vepra e parë që do të bëhet për ngritjen e një pike përkujtimore në 70 vjet pas dëbimit dhe vdekjes së shqiptarëve nga Çamëria. Gjatë dëbimit të shqiptarëve të Çamërisë, vdiqën nga uria, etja dhe rraskapitja më shumë se 2700 shqiptarë dhe po aq u vranë nga forcat greke. Varreza më e madhe ndodhet në fshatin Kllogjer të Sarandës, aty ku do të ndërtohet varreza monumentale.

Ismet Ramadani, nënkryetar i Këshillit Euroatlantik, thotë se tensionimi i raporteve ndëretnike dhe atyre ndërfetare është inskenuar nga strukturat udhëheqëse të vendit, për të alarmuar faktorin ndërkombëtar para samitit të NATO-s në Çikago, që të pranohet me referencën IRJM (ish-Republika Jugosllave e Maqedonisë ), në të kundërtën kërcënohet stabiliteti i brendshëm që mund të marrë dhe përmasa më të gjera.

“Në një mënyrë është një formë e gabuar për të alarmuar faktorin ndërkombëtar se maqedonasit, gjegjësisht Maqedonia është e rrezikuar nga trazirat e brendshme vetëm e vetëm pse ndërkombëtarët nuk janë aq të kujdesshëm, respektivisht shumë pak angazhohen që Maqedonia të anëtarësohet në strukturat veri-atlantike pa e ndryshuar emrin, ose pa arritur kompromis për emrin me Greqinë”, thotë Ramadani.

Me qëndrim të ngjashëm shprehet edhe Izet Zeqiri nga partia shqiptare në opozitë, Rilindja Demokratike Kombëtare. Zeqiri pohon se konfliktet ndëretnike shfaqen zakonisht para samiteve të NATO-s.

​​“Historia tregon se në Maqedoni ka pasur tensione ndëretnike dhe turbulenca që t’i jepet një mesazh faktorit ndërkombëtar se në vend është e kërcënuar siguria dhe organizatat ndërkombëtare – NATO, duhet të shqyrtojnë mundësinë e presionit që Maqedonia të afrohet kah kjo strukturë duke mos marrë për bazë kushtin që të zgjidhë kontestin me emrin”, pohon  Zeqiri.

Problemet ndëretnike në Maqedoni manipulohen nga ana e subjekteve politike si pasojë e mungesës së masës kritike në Maqedoni, vlerëson analisti politik Petar Arsovski.

“Zhvillimi i proceseve në shoqërinë maqedonase gjithnjë e më shumë është nën ndikimin e interesave të partive politike. Pushteti në çdo formë dhe me të gjithë njerëzit e tij brenda, veçanërisht bartësi i proceseve politike në shtet për momentin VMRO-DPMNE, promovon një diskurs agresiv etno-nacionalist te maqedonasit. Pra, ky është faktori i parë që ndikon në këtë që po na ndodh për momentin”, vlerëson Arsovski.

Nga ana tjetër, Ismet Ramadani, thekson se nxitja lehtësisht e konflikteve ndërfetare dhe atyre etnike ka të bëjë me humbjen e shpresave dhe durimit të qytetarëve si pasojë e politikës së kryeministrit Nikolla Gruevski, që ka për bazë elemente nacionaliste, gjë që e mban peng dhe procesin e integrimit.
“VMRO-DPMNE, si pjesë kryesore e Qeverisë, edhe më tej mban qëndrim të fortë rreth kontestit për emrin. Nga ana tjetër, qytetarët dalëngadalë po e humbin shpresën, po e humbin besimin, për një ardhmëri më të mirë në Maqedoni. Në këto rrethana, qytetarët shumë lehtë mund të manipulohen për të krijuar incidente, të cilat mund të shkaktojnë trazira me përmasa më të mëdha”, thekson Ramadani.

Për tejkalimin e situatave të fundit që kanë të bëjnë me marrëdhëniet ndëretnike, nevojiten projekte të shumta që të përfshijnë pjesëmarrës nga të gjitha etnitetet, vlerësojnë analistët politikë, duke theksuar se në shtetet multi-etnike siç është Maqedonia, patriotizmi i shfaqur me përmasa më të theksuara nga cilado qoftë palë, anë ose subjekt politik, kërcënon stabilitetin e vendit. Andaj, sipas analistëve, duhet mbajtur llogari për ndjenjat e palës tjetër. /rel/

Beograd, 4 shkurt 2011 –

“Amerika e ka një parim që merr parasysh situatën në terren, por nuk mundet përgjithmonë ta mbajë kokën në rërë duke pas parasysh vetëm gjendjen aktuale në terren. Situata në terren është e tillë që problemi nuk është zgjidhur dhe tash momenti kyç nëse administrata amerikane do që të ketë ndjesi për gjërat e drejta për të cilat flet pala serbe”, ka thënë Dacic në Washington, raporton Telegrafi.

“Paramendojeni situatën në Serbi në të cilën tashmë ka rënë mbështetja për BE-në nën 50 për qind, e shteti vendosë se nuk do që të futet në BE, por që të afrohet me Rusinë”, shton Dacic, duke pyetur se cili do të ishte interesi amerikan që Rusia në një moment vendosë të instalojë në Serbi mburoja të raketave.

“E pra, a ka Amerika interes të lartë apo të ulët dhe a është ky interesi më i lartë i Amerikës? Rreth këtyre gjërave askush nuk po mendon”.

Tiranë, 3 shkurt 2012 -

Mjafton të përmendim se vetëm këto ditë, në disa nga qytetet e Shqipërisë kanë ndodhur një seri veprash të rënda penale të cilat kanë cenuar të drejtën e jetës dhe të pasurisë së disa shtetasve. Në Tiranë kanë ndodhur dje dy ngjarje të rënda me pasojë vdekjen e dy femrave, konkretisht në lagjen “Komuna e Parisit”, ku u janë plagosën me armë zjarri A.C dhe M.J, kjo e fundit më pas gjeti vdekjen për shkak të plagëve të marra si dhe në lagjen Shkozë të Tiranës ku u vra një tjetër grua, 35 vjeçarja E.B. Gjithashtu gjatë këtyre ditëve kanë ndodhur ngjarje të tilla edhe në rrethe të tjera të vendit si ekzekutimi me 32 plumba i kryeplakut të Leshnicës në Pogradec; tentativa për të grabitur me kërcënim të armës taksistin Sh.Ç në afërsi të Institutit Bujqësor; grabitja në Tiranë në datën 2 Shkurt 2012 të karburantit në autostradën Tiranë – Durrës nga dy persona të armatosur; grabitja me armë zjarri në datën 1 shkurt 2012 në qytetin e Vlorë të një argjendari duke lënë të plagosur pronarin e saj B.GJ; vjedhja e Hotel “Palmës” në Sarandë; grabitja me armë e një filiali të Bankës në 31 janar 2012 në zonën e Selvisë në Tiranë; vjedhja e mbetur në tentativë të mallrave që ndodheshin në një furgon ku mbeti i vrarë grabitësi, etj.  Të shumta kanë qenë gjithashtu në këto ditë edhe aksidentet automobilistike me pasojë vdekjen dhe plagosjen e një numri të konsiderueshëm personash.

Këto të dhëna flasin për një numër të lartë të veprave penale kundër jetës dhe pronës së shtetasve. Pavarësisht nga përpjekjet që janë bërë e po bëhen për zbulimin e krimeve dhe vënien para përgjegjësisë të autorëve, KSHH konstaton se masat për parandalimin e veprave penale të mësipërme nuk kanë qenë në nivelin e duhur.

KSHH sjell në vëmendje të organeve përkatëse se për parandalimin e krimeve, është i nevojshëm bashkëpunimi më i mirë midis tyre, ndërsa nga organet e specializuara kërkohet zbulim, hetim dhe gjykim i shpejtë. Zvarritja në këtë drejtim ndikon negativisht në besimin e qytetarëve ndaj organeve të policisë dhe atyre të drejtësisë në përgjithësi si dhe krijon një situatë pasigurie për jetën, shëndetin dhe pasurinë e shtetasve.

Shtetasit shqiptarë meritojnë të jetojnë të qetë në punë dhe në shtëpi si dhe tu ofrohet siguri në ambientet ku ata ndodhen.

Shkup, 3 shkurt 2012 –

Paralajmërimi nga Ministria e Brendshme vjen para thirrjeve të fundit në rrjetin social Facebook për protesta në Manastir, “në mbrojtje të kishave”.

Në këtë qytet, ditë më parë persona të panjohur kishin shkruar grafite ofenduese në muret e një xhamie të shekullit të 16-të.

“Ministria e Punëve të Brendshme ka filluar intensivisht t’i përcjellë këto debate, dhe tanimë njësiti për luftë kundër kriminalitetit kompjuterik ka kërkuar edhe rrjetin social Facebook për fshirjen e grupeve që shfrytëzojnë gjuhën e urrejtjes dhe që bëjnë thirrje për përhapje të urrejtjes dhe mostolerancës ndërfetare”, thotë zëdhënësi i Ministrisë së Brendshme, Ivo Kotevski.

Edhe pse thirrjet e këtilla konsiderohen joserioze nga qarqe të ndryshme politike, ekspertët megjithatë thonë se ato nuk duhet edhe të anashkalohen.

“Duhet t’i kuptojmë seriozisht rrjetet sociale, në veçanti kur bëhet fjalë për rrënimin e vlerave, për fyerjen e ndonjë grupi etnik, apo të ndonjë grupi tjetër fetar. Në këtë rast kemi thirrje flagrante të urrejtjes. Kjo mund të reflektohet te pala tjetër që si kundërpërgjigje, po ashtu të bëjë thirrje për urrejtje”, thotë Tatjana Stojanovska nga Fakultetit Filozofik në Shkup.

Ajo për këtë gjendje të krijuar fajëson në veçanti pjesëtarë të caktuar të partive politike të cilat, sipas saj,  në mënyrë indirekte mbështesin thirrjet e këtilla që tensionojnë edhe më shumë gjendjen në vend.

Edhe Hasan Jashari, sociolog, fajëson politikën për tensionet në vend.

Sipas tij, gjendja mund të qetësohej sikur partitë, dhe në veçanti pushteti, të reagonin me kohë nga fyerjeve që zanafillën e kanë në ndeshjet sportive.

“Mua më shqetëson veprimi i dobët dhe mund të them shumë destruktiv i elitës politike, të cilët nuk ditën që në kohë të parandalojnë këto gjëra. Dhe nëse vazhdon kështu, ka gjasa që gjërat të rrëshqasin prej dore dhe të arrijmë në një situatë anomie, siç e quan Emile Durkheim; dekompozim dhe mosorganizim i shoqërisë dhe fillojnë të këputen hallkat e mekanizmave”, thotë Hasani duke shtuar se shqiptarët në asnjë mënyrë nuk duhet të provokohen nga ngjarjet e këtilla por përkundrazi të dëshmojnë tolerancën e tyre ndërfetare.

Kjo sipas tij mund të ndërgjegjësojë edhe palën tjetër.

“Toleranca fetare duhet të jetë pjesë përbërëse e filozofisë tonë jetësore. Shqiptarët në Shqipëri janë të njohur për tolerancën fetare dhe ajo duhet të jetë edhe një mësim që ne këtë ta praktikojmë si mënyrë të bashkëjetesës”, thotë Jashari.

Tensionet e fundit ndëretnike dhe ndërfetare në Maqedoni filluan në ndeshjet sportive ku shqiptarët u fyen në baza etnike për të vazhduar më pas me karnavalin e Vevçanit më 13 janar ku po ashtu pati fyerje ndaj fesë islame dhe Kuranit.

Situata e përshkallëzua më pas me vendosjen e zjarrit në një kishë të Llabuinishtës të Strugës dhe Reçicë të Tetovës.

Të gjitha këto incidente janë dënuar nga partitë politike, ndërsa komiteti për marrëdhënie ndëretnike miratoi disa konkluzione me të cilat kërkohet nga gjitha faktorët relevantë që të angazhohen për kthimin e mirëbesimit mes etniteteve.

Incidentet janë dënuar fuqishëm edhe nga komuniteti ndërkombëtar. /rel/

Jahorinë, 3 shkurt 2012 –

Zhelko Komshiq, kryesuesi aktual i presidencës trepalëshe të Bosnjes tha se bashkëpunimi në luftën kundër krimit të organizaur është “interes i veçantë i të tri shteteve”.

Që të tre liderët pritet të diskutojnë edhe fitimin e fondeve të BE-së për t’i përdorur në kuadër të bashkëpunimit rajonal.

Ata po ashtu pritet të diskutojnë ndryrshimin e procedurave kufitare me Kroacinë, pasi që ajo t‘i bashkohet bllokut evropian më 2013.  Serbia dhe Bosnja po ashtu aspirojnë anëtarësimin, por ende nuk kanë marrë as statusin e kandidateve.

Tiranë, 3 shkurt 2012 –

35 vjecarja Elena Basho ka qenë duke shkuar në shtepine e saj, kur është qëlluar me armë tre herë në trup dhe në kokë nga dy persona të armatosur, të cilët janë larguar me shpejtësi nga vendi i ngjarjes.

Sipas të dhënave paraprake të policisë, njëri prej tyre e ka qëlluar me armë, ndërsa tjetri ka siguruar zonën, që vrasësin të mos e shikonte askush gjatë momentit të krimit.

Pasi kanë dëgjuar të shtënat e armës, fqinjët e saj kanë dalë jashtë shtëpive të tyre për ta ndihmuar dhe e kanë dërguar urgjentisht në urgjencen e QSUT-së, por plagët e 35 vjecares Basho kanë qenë të rënda, duke e bërë të pamundur kthimin në jetë të saj nga mjekët.

Policia është duke hetuar në dy pista atë të vrasjes brenda familjes, si dhe atë të grabitjes.

Viktima është e martuar dhe me një fëmijë, ndërsa as ajo dhe as familja e saj nuk ka patur asnjë konflikt në kohët e fundit.

Policia tha se ka shoqëruar në rajon dëshmitarë që ndodheshin në afërsi të vendit të ngjarjes, nga dëshmitë e të cilëve priten të merren të dhëna të hollësishme për zbardhjen e kësaj ngjarjeje të rëndë.

Vrasje te Komuna e Parisit

Dy persona u qëlluan me armë zjarri rreth orës 21 e 35 minuta në Komunën e Parisit në Tiranë.

Sipas të dhënave policore nga një automjet tip “Nisan” fuoristrade, ngjyrë gri, është hapur zjarr në drejtim të shtetasit Aleksandër Gocaj, 27 vjec, i cili mbeti i plagosur.

Por nga zjarri i pakontrolluar i armës së dy personave që qëlluan me breshëri, plumbat kapën edhe 25 vjecaren Megi Jukici, e cila ishte kalimtare në rrugë. Si pasojë e plumbave të marra, 25 vjecarja, humbi  jetën pak orë më pas në spitalin ushtarak .

Sipas të dhënave paraprake, policia është vënë në ndjekje të autorëve të krimit, pasi ka arritur të identifikojë targën e tyre.

Policia nuk jep detaje të hollësishme në lidhje me këtë ngjarje, pasi është ende duke kryer ekspertizën në vendngjarje. Por sipas të dhënave paraprake mendohet se ka identifikuar autorët e këtij krimi të rëndë.

Ndërsa pak caste më parë u njoftua një vrasje e tretë tek Rruga e Elbasanit. Por ngjarja e fundit ende nuk është konfirmuar nga organet policore. /tch/

Tiranë, 3 shkurt 2012

Përkeqësimi i motit, që u shoqërua me reshje të dendura dëbore, bëri që të bllokohen dhjetëra rrugë e fshatra kryesisht në zonat veriore dhe verilindore.

Në shumë zona, trashësia e dëborë është mbi një metër, ndërsa në fshatin Shishtavec të Kukësit, trashësia e dëborës ka arritur gati në 2.5 metër.

Gazeta ‘Start’ botoi sot akset ku qarkullohet me vështirësi

Në qarkun Kukës:

1.    aksi rrugor Morinë – Kalimash i kalueshëm me zinxhirë vetëm për mjete të vogla,

2.    aksi Kukës – Krumë i kalueshëm me zinxhirë,

3.    aksi B.Curri – Qafë Morinë i kalueshëm me zinxhirë,

4.    aksi B.Curri – Fierz i kalueshëm me zinxhirë,

5.    aksi B.Curri – Valbonë i pa kalueshëm

6.    aksi Krumë – B. Curri dhe Krum – Qaf Prushi i kalueshëm me zinxhirë me vështrësi,

7.    aksi  Kukës – Topojan  i kalueshëm me zinxhirë,

8.    aksi Ujmisht – Lusen – Bushtricë – Kala e Dodës në drejtim të Peshkopisë i PA kalueshëm,

9.    aksi Shëmri – Qafë Shllak i pa kalueshëm,

10.    aksi rrugor Topojan – Shishtavec i pakalueshëm,

Në të gjitha akset nacionale në këtë Qark po punohet për pastrimin e rrugës dhe hedhjen e kripës. Temperaturat  vazhdojnë të jenë të ulëta dhe në disa segmente ka dhe shtresa akulli, po punohet në vazhdimësi me entin pronar të rrugëve për normalizimin e gjendjes së rrugëve në të gjitha akset rrugore.

Në qarkun Dibër:

1.    aksi rrugor Peshkopi – Bulqizë – Klos – Burrel – Ulëz i kalueshëm me zinxhirë,

2.    aksi Bulqizë – Shupenzë – Ostren i kalueshëm me zinxhirë,

3.    aksi Krastë – Bulqizë i kalueshëm me zinxhirë,

4.    aksi rrugor Peshkopi – Sllovë – Kala e Dodës në drejtim të Kukësit i pakalueshëm,

5.    aksi Peshkopi – Muhurr – Aras  i kalueshëm me zinxhirë me vështirësi,

6.    aksi Arras – Zall Dardhë – Reç i pakalueshëm,

7.    aksi Ostren – Stëblevë – Librazhd  i pakalueshëm,

8.    aksi Arras – Lurë i pakalueshëm.

Temperaturat  vazhdojnë të jenë të ulëta dhe në disa segmente ka dhe shtresa akulli. Po punohet në vazhdimësi me entin pronar të rrugëve për normalizimin e gjendjes së rrugëve në të gjitha akset rrugore.

Në qarkun Shkodër:

1.    aksi rrugor Shkodër – Mabe i kalueshëm me zinxhirë,

2.    aksi  rrugor Shkodër – Koman i kalueshëm me zinxhirë,

3.    aksi Qaf Çelë – Pukë – Fushë Arrës – Qafë Mali- Qafë Shllak i pa kalueshëm,

4.    aksi Koplik – Hani i Hotit i kalueshëm me zinxhirë,

5.    akset Koplik – Razëm,  Bogë – Theth, Selcë – Vermosh të pakalueshme, po punohet për pastrimin e tyre,

6.    aksi Qafë Mali – Dardhë- Fierz i pakalueshëm,

7.    aksi Fushë Arrës – Iballë i  pakalueshëm.

Temperaturat  vazhdojnë të jenë të ulëta dhe në disa segmente ka dhe shtresa akulli. Po punohet në vazhdimësi me entin pronar të rrugëve për normalizimin e gjendjes së rrugëve në të gjitha akset rrugore.

Në qarkun Lezhë:

1.    aksi Rubik – Kalimash i kalueshëm me zinxhirë vetëm për mjetet e vogla,

2.    aksi rrugor Mirdit – Shpal – Fushë Arrës  i kalueshëm me zinxhirë me vështirësi,

3.    në zonat e thella të Mirditës në drejtim të Lurës akset rrugore janë të pakalueshme.

Në të gjitha akset rrugore nacionale lëvizja e automjeteve është e kalueshme.  Po bashkëpunohet me entin pronar të rrugëve për hedhjen e kripës dhe skorieve në rrugë për shkak të ngricave gjatë natës.

Në qarkun Tiranë:

1.    në drejtim të Qafë Krrabës i kalueshëm pa zinxhirë

2.    në drejtim të Dajtit i kalueshëm me zinxhirë

Në qarkun Elbasan:

1.    aksi Librazhd – Qafë Thanë i kalueshëm me zinxhirë, po punohet për pastrimin e tij si dhe po hidhet kripë në bashkëpunim me entin pronar të rrugës.

2.    aksi Elbasan – Qafë Krrabë i kalueshëm pa zinxhirë,

3.    aksi Librazhd – Bulqizë i bllokuar, po punohet për pastrimin e këtij aksi.

Në të gjitha akset e tjera rrugore lëvizja është normale.

Në qarkun Korçë:

1.    aksi rrugor  Kapshticë -Korçë – Qafa Plloç  – Qafë Thanë kalohet me zinxhirë,

2.    aksi rrugor Korçë – Boboshticë – Dardhë dhe aksi rrugor Korçë – Voskopojë janë të pakalueshme

3.    aksi Korçë – Ersekë – Leskovik kalohet me zinxhirë vetëm për mjetet e vogla.

Temperaturat  vazhdojnë të jenë të ulëta në disa segmente ka dhe shtresa akulli. Po punohet në vazhdimësi me entin pronar të rrugëve për normalizimin e gjendjes së rrugëve në të gjitha akset rrugore.

Në qarkun Berat:

1.    aksi Bogovë – Skrapar kalohet pa zinxhirë, po punohet në vazhdimësi me entin pronar të rrugëve për normalizimin e gjendjes.

Në të gjitha akset rrugore lëvizja është normale.

Në qarkun Gjirokastër:

1.    aksi Kakavijë – Gjirokastër – Tepelenë kalohet me zinxhirë,

2.    aksi Tepelenë – Përmet është i kalueshëm me zinxhirë,

3.    aksi Përmet – Çarshovë është i pakalueshëm,

4.    aksi Jorgucat – Qafa e Muzinës e kalueshme me zinxhirë me vështirësi.

Po punohet në vazhdimësi me entin pronar të rrugëve për normalizimin e gjendjes së rrugëve në të gjitha akset rrugore.

Në qarkun Vlorë:

1.    në segmentin rrugor Vlorë – Llogara lëvizja e automjeteve kryhet pa zinxhirë dhe po punohet në vazhdimësi me entin pronar të rrugëve për normalizimin e gjendjes.

Në të gjitha akset e tjera rrugore lëvizja e mjeteve bëhet normalisht pa probleme.

Shkup, 3 shkurt 2012

“Partitë e koalicionit qeveritar VMRO-DPMNE dhe BDI edhe më tej dominojnë në skenën politike në Maqedoni, dhe rejtingu i tyre mbetet i pandryshuar 9 muaj pas zgjedhjeve të parakohshme parlamentare. Por megjithatë, anketa sjellë dallime të mëdha sa i përket shqiptarëve dhe maqedonasve për çështje dominuese politike për vendin, sidomos në planin e evrointegrimeve”, thekson anketa.

Në pyetjen e anketës se në rast se nesër do të mbaheshin zgjedhjet parlamentare, VMRO-DPMNE do të fitonte 23,5 për qind të votuesve, LSDM 18,2 për qind, BDI 7,2 për qind, PDSH 3,1 për qind, RDK 2,9 për qind, VMRO-Popullore 1,2 për qind dhe partitë e tjera, raporton INA.

Në Anketë si persona të papërcaktuar janë deklaruar 40 për qind e të anketuarve. Anketa nxjerrë vlerësimet e qytetarëve ndaj liderëve, ku lideri i LSDM-së, Branko Cërvenkovski nuk pëlqehet nga maqedonasit, ndërsa shqiptarët kanë mendim negativ për kryeministrin Nikolla Gruevski.