Kosova Info » Bota

Su Kij, po viziton emigrantët në Tajlandë

mentori — Wed, 30 May 2012 07:18:21 +0000

Tajlandë, 30 maj 2012 – Aung San Su Kij, po viziton emigrantët në Tajlandë në udhëtimin e saj të parë jashtë vendit për më shumë se dy dekada.

Turmat e njerëzve e kanë mirëpritur duke e përshëndetu udhëheqësen pro-demokratike të Birmanisë në Bankok.

Të premten Su Kij, e cila shumicën e 24 vjetëve të fundit i ka kaluar nën arrest shtëpiak, do të kalojë disa ditë në Tajlandë, ku do të flasë në Forumin Botëror të Ekonomisë për Azinë Lindore.

Ajo pas kësaj vizite do të udhtëtoj në Evropë, ku në Norvegji do të pranojë zyrtarisht Çmimin Nobel për Paqe i ndar për te 21 vjet më parë.

Su Ki kishte refuzuar të largohen nga Mianmar gjatë periudhave të shkurtra të saj në lirisë, nga frika se pushteti nuk do të lejojë që ajo të kthehet.

Qeveria e re e Birmanisë ka nisur të bëjë hapa reformues, duke shmangur edhe izolimin e deritashëm ndërkombëtar.

Sot, vendimi për ish-kreun e Liberisë

mentori — Wed, 30 May 2012 06:54:13 +0000

Hagë, 30 maj 2012 – Ish-presidenti i Liberisë, Çarlls Tejllor, pritet të dënohet sot në gjykatën për krime lufte në Hagë.

Në prill, gjykata me seli në Hagë, ka fajësuar Tejllorin për 11 akuza për krime lufte, përfshirë vrasje, përdhunime dhe rekrutime të ushtarëve fëmijë gjatë luftës civile në Siera Leone.

Kryeprokurori i gjykatës ka kërkuar që Tejllor të dënohet me 80 vjet burg, deri sa mbrojta e të akuzuarit e ka kundershtuar një propozim të tillë duke thenë se ky do të ishte një denim i “tepruar”.

Tejllor këmbëngul se ai është i pafajshëm, dhe pritet të kundershtoj çfarëdo dënimi.

Ai akuzohet për mbështetjen dhe drejtimin e rebelëve gjatë luftës në Siera Leone, gjatë luftës 1991-2002, ku humbe jetën dhjetëra mijëra njerëz.

Pritet vendimi për ekstradimin ose jo të Asanzhit

mentori — Wed, 30 May 2012 06:23:42 +0000

Britani, 30 maj 2012 – Gjykata Supreme e Britanisë pritet të vendosë të mërkurë nëse do të miratojë vendimin për ekstradimin e themeluesit të WikiLeaks-it Xhulian Asanzh në Suedi.

Asanzh ka bërë përpjekje gati dy vjet duke luftuar për kërkesen e tij që ta bllokoj ekstradimin në Suedi, ku ai kërkohet nga prokurorët suedezë për t’u marrë në pyetje mbi akuzat e krimeve seksuale, të bëra nga dy gra suedeze.

40-vjeçari australian i cili ka zbuluar qindra dokumentente sekrete amerikane në faqen e tij, WikiLeaks, mohon çdo keqbërje.

Asanzh argumenton se përpjekja për ta ekstraduar është e motivuar politikisht.

Nëse Asanzh humb betejne e tij, ai mund të mendohet se do të ankohet në Gjykatën Evropiane të të Drejtave të Njeriut, e cila në të kaluarën ka vonuar ekstradimet e profilit të lartë për periudha të gjata kohore.

Romni fiton në Teksas

mentori — Wed, 30 May 2012 05:06:33 +0000

Teksas, 30 maj 2012 – Mit Romni ka fituar nominimin e republikanve për zgjedhjet presidenciale në Teksas. Në një deklaratë, Romni tha se është “i nderuar” nga fitorja.

Raportet e mediave thonë se ish-guvernatori i Masaçusecit fitoi më shumë se 70 për qind të votave pasi i duhen më pak se gjysma e 155 delegatëve në këtë vend, për të kaluar pragun e nevojshëm prej 1,144 delegatësh për nominimin.

Delegatët republikan thonë se janë të vendosur për emrimin e Romnint zyrtarisht si kandidat në gusht, kur partia mban kuvendin e saj.

Emërimi i Romnit do të shënoj sukses për të, pasi në vitin 2008, nuk ka arritur të sigurojë nominimin republikan.

Kandidati i Partisë Republikane do të sfidojë presidentin aktual të Shteteve të Bashkuara, Barak Obama, në zgjedhjet presidenciale të nëntorit.

Euroja shënon rekord të ri të rënies

mentori — Tue, 29 May 2012 18:17:45 +0000

Bruksel, 29 maj 2012 – Monedha e përbashkët evropiane, euro, ka pësuar rënie të re rekord në tregjet e pasdites.

Vlera e saj prej 1.246 dollarësh është pika më e ulët kundër monedhës amerikane që nga korriku i vitit 2010.

Dollari, në anën tjetër, është forcuar kundrejt shumicës së monedhave.

Funta britanike ka rënë në 1.5623 dollarë nga 1.5681$.

Monedha amerikane po ashtu është rritur në 0.9625 franga zvicerane, nga 0.9584 sa ishte.

112 paqeruajtës të OKB-së kanë vdekur më 2011

mentori — Tue, 29 May 2012 18:09:08 +0000

Nju Jork, 29 maj 2012 – Një total prej 112 ushtarëve, policëve dhe civilëve, të cilët shërbejnë në operacionet paqeruajtëse të Kombeve të Bashkuara në mbarë botën, kanë humbur jetën në vitin 2011 si pasojë e akteve armiqësore, aksidenteve apo sëmundjeve, ka bërë të ditur OKB-ja.

“Misioni ynë vëzhgues në Siri është shembulli i fundit, i cili tregon se si komuniteti ndërkombëtar i kërkon OKB-së zgjidhje të sfidave”, ka thënë sekretari i përgjithshëm i këtij mekanizmi, Ban Ki-mun.

Në Siri janë rreth 260 vëzhgues të paarmatosur, të cilët janë ngarkuar me monitorimin e armëpushimit në muajin prill.

Në selinë e Kombeve të Bashkuara në Nju Jork është mbajtur një shërbim përkujtimor për të gjithë ata që kanë humbur jetën duke shërbyer në misionet e OKB-së.

Aktualisht, OKB-ja ka 16 misione paqeruajtëse në mbarë botën, që përfshijnë mbi 100,000 ushtarë dhe civilë nga 116 shtete.

Moska kritikon sërish ambasadorin amerikan

mentori — Tue, 29 May 2012 17:44:15 +0000

Moskë, 29 maj 2012 – Qeveria ruse ka kritikuar ambasadorin e Shteteve të Bashkuara në Moskë për të dytën ditë me radhë, në lidhje me fjalimin e javës së kaluar.

Ndihmësi i presidentit rus, Vlladimir Ushakov, tha se ambasadori Majkëll Mekfoll “duhet të sillet në mënyrë diplomatike dhe jo të rrezikojë marrëdhëniet e vendit të tij me Rusinë”.

Sipas mediave ruse, Mekfoll u ka thënë studentëve në një universitet të Moskës se “Rusia ka korruptuar Kirgizinë për të mbyllur bazën ushtarake të Shteteve të Bashkuara atje”.

Ministria e Jashtme Ruse të hënën i ka kundërshtuar deklaratat.

Një grua britanike dënohet për fyerje raciste

mentori — Tue, 29 May 2012 17:28:07 +0000

Britani, 29 maj 2012 – Një grua britanike është dënuar me 21 javë burgim, për shkak të fyerjeve raciste të pasagjerëve në metro.

Xhakllin Udhaus, më 23 janar, ka hipur e dehur në metro dhe ka sulmuar verbalisht pasagjerët.

Njëri nga ta e ka filmuar incidentin dhe e ka postuar në faqen e internetit YouTube. Videoja 7-minutëshe është shikuar më shumë se 200,000 herë.

Udhaus ka pranuar se ka bërë fyerje raciste dhe pjesën tjetër të dënimit do ta kryejë pas grilave.

Ajo po ashtu është ndaluar të përdorë metronë për një periudhë pesëvjeçare.

SHBA: Qeveria siriane, përgjegjëse për masakrën

mentori — Tue, 29 May 2012 17:11:52 +0000

ShBA, 29 maj 2012 – Shtetet e Bashkuara kanë thënë se kanë dëbuar diplomatin e Sirisë, në përgjigje të masakrës së 108 civilëve në Houla, për të cilën monitoruesit e OKB-së thonë se është kryer nga forcat e regjimit sirian.

“Ne mbajmë përgjegjëse Qeverinë siriane për këtë masakër të jetëve të pafajshme”, ka thënë zëdhënësja e Departamentit amerikan të Shtetit, Viktoria Nullënd.

Të ngarkuarit sirian me punë në ShBA, Zuheir Xhabor, i janë dhënë 72 orë për të lënë vendin.

Përveç ShBA-së, diplomatët sirianë i kanë dëbuar edhe tetë vende të tjera, përfshirë Australinë, Kanadanë, Spanjën, Mbretërinë e Bashkuar, Italinë, Francën, Gjermaninë dhe Zvicrën.

Rusia ka thënë se nuk do ta ndjekë këtë hap.

Masakra në Houla ka ndodhur më 25 maj, ndërsa shumica nga viktimat kanë qenë gra dhe fëmijë.

Qeveria siriane ka fajësuar “terroristët” për vrasjet.

Siria është përfshirë nga protestat antiqeveritare dhe dhuna qysh në mars të vitit të kaluar.

Franca përjashton ndërhyrjen tokësore në Siri

mentori — Tue, 29 May 2012 16:02:57 +0000

Paris, 29 maj 2012 – Ministri i Jashtëm i Francës, Lloren Fabju, ka përjashtuar mundësinë e ndërhyrjes tokësore në Siri, duke thënë se rreziku për përhapjen e konfliktit është shumë i madh.

“Ushtria siriane është e fuqishme. Asnjë shtet nuk është i gatshëm të shqyrtojë ndërhyrjen tokësore në këtë kohë. Rreziku i përhapjes së konfliktit në gjithë rajonin do të ishte shumë i lartë, sidomos në Liban”, ka thënë Fabju për të përditshmen franceze “Le Monde”.

Franca, së bashku me Shtetet e Bashkuara, Britaninë, Gjermaninë, Spanjën, Italinë, Kanadanë dhe Australinë, ka dëbuar diplomatët sirianë, në një protestë të koordinuar kundër vrasjes së civilëve në Siri.

Ky hap pason masakrën në Houla, ku, sipas monitoruesve të OKB-së, forcat e Qeverisë siriane kanë vrarë 108 persona, shumica nga ta gra dhe fëmijë.