Kjo revistë, ka një traditë disa dekadëshe dhe që nga atëherë, ka botuar poetë të shquar.

Në numrin e ri të saj të pranverës, që ka dal këto ditë, në këtë revistë prestigjioze të poezisë, është prezantuar me një poezi, poeti nga Kosova Ndue Ukaj.

Poeti Ukaj prezantohet në këtë revistë me poezinë, Liria e poezisë, të  përkthyer anglisht nga Peter Tase. /KI/

Kryeministri Berisha i shprehu Rona Nishliut urimet më të përzemërta për suksesin e shkëlqyer të saj në Eurovizion dhe e konsideroi atë si një sukses të shumëfishtë, duke theksuar këtu se ajo, me interpretimin dhe këngën e saj,  arriti të tërheqë fuqishëm vëmendjen e mediave ndërkombëtare, që në natën gjysmëfinale të festivalit.

Në finale, vijoi Kryeministri, ”ju ishit zëri absolut i festivalit, interpretimi më i shkëlqyer, ishit një përfaqësim shumë dinjitoz dhe arritje e madhe për gjithë shqiptarët, për Shqipërinë dhe për Kosovën”.  Edhe për sa i përket vlerësimit, Kryeministrishprehu kënaqësinëpër mbështetjen e madhe që pati nga të gjitha vendet.  Ai theksoi  se  përfaqësimi dinjitoz i Ronës në Eurovizion është dhurata më e bukur që kënga shqiptare i bën Shqipërisë në këtë 100 vjetor të pavarësisë.

Nga ana e saj, këngëtarja Rona Nishliu  falënderoi  Kryeministrin Berisha për mbështetjen e tij në këtë përfaqësim të saj në Eurovizion. “Ndihem e privilegjuar që sot ndodhem këtu në këtë takim me ju dhe ju falënderoj jashtëzakonisht shumë për mbështetjen dhe  telefonatën  që më bëtë menjëherë pas festivalit, e cila ka qenë befasia më e këndshme, gjë që më bëri të ndihem edhe më krenare për atë që realizova në skenë”, u shpreh këngëtarja Rona Nishliu.

Ajo i përcolli Kryeministrit emocionet që kishte ndier tek shikonte flamurin shqiptar, gjatë renditjes së pikëve, që shfaqej në mesin e 5 flamujve më të votuar të Evropës.

Ndërsa Drejtori i  Përgjithshëm i Radiotelevizionit Shqiptar, z. Petrit Beci, u shpreh se ekipi shqiptar që shoqëronte Ronën në këtë kompeticion e që ka përjetuar nga afër vlerësimin e të gjitha ekipeve të vendeve përfaqësuese në festival, u ndie shumë krenar për këngën e Ronës. Ai theksoi se ky sukses është një obligim më shumë  për të vijuar traditën më të mirë të Festivalit të këngës në RTSH, duke promovuar talente shqiptare, që më pas përfaqësojnë denjësisht Shqipërinë në skenën evropiane.

Kryeministri Berisha i dhuroi këngëtares Rona Nishliu çelësin Sol, të punuar në filigram me një dedikim të vecantë në shenjë mirënjohjeje ndaj përfaqësimit dinjitoz që I bëri Shqipërisë në Eurovizion.

Kapitulli i parë “Apologjia ime” përfshin shkrime të autorit si “Nuk ishte luftë, ishte fjalosje”, “Dhe dashuria e Edi Ramës për udhën e Kombit”, “Deshpërimi nuk e çelë derën e pushtetit”, “Folkpatriotizëm”, “Gëzohu me mua zoti Lubonja”, “A flet si toskë Mustafa Nano”, “Shtribalizimi i Partisë Socialiste”, “Udha e Kombit po i shërben kombit”, “Sharës me pagesë”, “Replikë me hijen dhe hijet e hijes”, “Një metaforë me gratë vjeneze”, “Histori personale ku unë mund të jem ti”, “4 shkurt 2007 – shpërthimi i parë tek tuneli”, “Faqja e falenderimeve” etj, etj.

Kapitulli i dytë “Apologjia e politikës”, përfshin disa prej debateve më të nxehta politike në parlamentin shqiptar. Aty janë debatet kryesore të tri interpelancave për Udhën e Kombit. Si autorë janë të përfshirë, sipas radhës së diskutimeve, Erion Braçe, Sali Berisha, Lulzim Basha, Sokol Olldashi.

Kapitulli i tretë, “Apologjia e Miqve”, të cilët Rexhep Shahu i falenderon në libër si bashkëmendimtarë që e kanë frymëzuar dhe mbushur me dashuri e besim, është ndërtuar me shkrimet e 27 personaliteteve te njohur, shqiptarë e të huaj që kanë shkruar me dashuri për Udhën e Kombit Shqiptar, siç janë : Ndue Dedaj, Gjergj Marku, Elinda Marku, Jemin Gjana, Preç Zogaj, Eliot Engel, William Walker, Izet Duraku, Edison Ypi, Veton Surroi, Artan Fuga, Kastriot Myftaraj, Pandeli Majko, Kim Mehmeti, Benet Koleka, Aleksandër Çipa, Roland Qafoku, Shkëlzen Maliqi, Dalip Greca, Ramiz Lushaj, Agron Gjekmarkaj, Riza Hoxha, Sulejman Dida, Arbnora Dushi, Jean-Arnault Derens & Laurent Geslin, Karl-Peter Schwarz, Jonuz Hallaçi.

Që në ballinë të librit autori ka vendosur fraza të zgjedhura të thëna nga përsonalitete të ndryshme si :

Dritëro Agolli: Kjo udhë do të mbesë në historinë e vendit, për madhështinë e saj, për simbolikën dhe funksionin që ka si arteria kryesore e Shqipërisë me rëndësi të madhe kombëtare. Pas 20-30 vitesh nuk do të kujtohet njeri se sa ka kushtuar kjo rrugë, por vetëm do të mbahet mend koha kur është ndërtuar. Këto janë vepra të mëdha që mbeten në histori. Sepse kjo udhë nuk lidh vetëm Shqipërinë me Kosovën, por ajo lidh gjithë pjesën veriore të Ballkanit me jugun e tij.

Sali Berisha: Nëse do të duhet, ne do të shesim bizhuteritë e grave tona për të përfunduar këtë autostradë.

Ibrahim Rugova: Kërkojmë fonde nga Bashkësia Europiane për ndërtimin e rrugës Durrës – Kukës – Prishtinë.

Eliot Engel: Nga kjo rrugë, nuk do të përfitojë vetëm Shqipëria, por i gjithë rajoni. Do e bëjë Shqipërinë një qendër progresi në rajon.

Pandeli Majko: Ka pasur lobe kundër ndërtimit të rrugës. Të jemi të sinqertë, për mua e rëndësishme është që rruga të bëhet, që unë të ec në asfaltin e asaj rruge.

Lulzim Basha: Imuniteti është më e pakta që jap për këtë rrugë.

William Walker: Rruga Durrës – Morin bashkon Shqipërinë me Kosovën

Nga biografia e Rexhep Shahut

Rexhep Shahu u lind në vitin 1960, në Bardhoc të Lumës, fshat i ngritur mbi rrënojat e Gabulit të lashtë, pranë kufirit me Kosovën, i ndodhur në gjurmën e udhës së vjetër “Via Publica” që lidhte Dardaninë ilire me Adriatikun dhe i njohur me këtë emër që në shekullin e 13-të.

Shkollën e mesme teknike – mekanike e kreu në Durrës në vitin 1980.

Universitetin për letërsi e kreu në Shkodër.

Ka provuar gjithëfarëlloj punësh e profesionesh në fusha e male me bujq e blegtorë, kosëtarë e korrës gruri… Ka jetuar e punuar me mineralkërkuesit, minatorët, vagonistët, ka punuar si motorist e xhenerik, ka bërë sekretarin në prokurori, ka qenë drejtues kulture, tregtar, ka themeluar një kompani ndërtimi, ka punuar gazetar në Radio Kukësi, Radio Tirana, Top Albania Radio e në organe të shumta shtypi të Tiranës e Prishtinës, zëdhënës në Qarkun e Kukësit dhe në Ministrinë ë Bujqësisë, Ushqimit dhe Mbrojtjes së Konsumatorit në Tiranë, ku dhe ende punon për një detyrë tjetër.

Por veten e gjeti në profesionin e gazetarit. Ka drejtuar si kryeredaktor revistën kulturore “Dy Drina”, revistën për fëmijë “Kallz”, organe këto të Qendrës Kulturore “Dy Drina”, të përkohshmen “Gazeta e Kukësit” dhe prej vitit 2005 edhe revistën kombëtare “Bujqësia Shqiptare” organ i Ministrisë.

Veç librit “Apologji për Udhën e Kombit”,” ky autor ka botuar edhe gjashtë libra të tjerë, tre vëllime poetike dhe tre libra me publicistikë: “Mali i Hënës”, poezi, Tiranë, 1988; “Bregu i Brengës”, poezi, Prizren, 2000; “Misioni për Paqen”, kushtuar krizës së Kosovës dhe aktorëve të kohës; “Bllaca” monografi; “Marsi i Minave”, Tiranë, 2006; “Lis i Vetëm në Fushë”, poezi, Tiranë, 2011. /KI/

Në Internet menjëherë kanë filluar të qarkullojnë histori se si kënga fituese në Evrovision “Euphoria” në të vërtetë është plagjiat e këngës “Stole my heart” të bendit “One Direction”.

Ndërsa gjëja e vetme që shkon në favor të këngëtares fituese suedeze, Loreen është se me këngën e saj u shfaq pak ditë para se të del albumit i parë i bendit “One Direction”.

Nishliu e ka cilësuar si eksperiencë të jashtëzakonshme pjesëmarrjen e saj në edicionin e 57-të të “Eurosongut”.

“Ishte një përrallë shumë, shumë e bukur, dhe më vjen mirë që u realizua ashtu siç ndoshta deshëm ne. E ndiej se gjithë këtë prezantim shqiptarët e kanë përkrahur dhe e kanë mirëpritur”, ka thënë Nishliu në një studio të improvizuar në Aeroportin e Rinasit në Tiranë. Në një emision të cilin aty e ka realizuar Radiotelevizioni Shqiptar – i cili organizon festivalin e këngës dhe dërgon fituesin në garën evropiane – Nishliu ka folur edhe për detaje tjera të eksperiencës së saj në Baku.

“Kemi qenë të relaksuar gjithë kohës. Përveç ekipit që ka qenë mjaft i përkushtuar, dua të falënderoj të gjithë shqiptarët kudo që janë, të cilët e mbështetën këngën ‘Suus’ që në fillimet e saj, që kur u shpall fituese në festival”, ka thënë më tej Nishliu. Ajo ka përsëritur edhe njëherë se të dyja perfomancat në “Crystal Halle” të kryeqytetit të Azerbajxhanit janë dedikim për shpirtrat e humbur në tragjedinë e Himarës, ku humbën jetën 13 studentë të universitetit “Aleksandër Xhuvani” të Elbasanit.

Në studio ka qenë edhe drejtori i përgjithshëm i RTSh-së, Petrit Beci, i cili u shpreh mjaft i kënaqur me paraqitjen e kosovares.

“Kemi marrë duartrokitje nga publiku në mes të këngës dy apo tri herë, ndërkohë që gjeografia e marrjes së pikëve ka qenë mbresëlënëse”, ka thënë Beci. “Kemi qenë ndër më të diskutuarit e ‘Eurosongut’, që nuk e kanë marrë as vendet me shumë stabilitet në këtë garë”, ka shtuar ai.

Kompozitori Shpëtim Saraçi, pjesë e ekipit shqiptar, ka thënë se është thellësisht i lumtur nga ky sukses.

“Edicioni i 50-të i festivalit tonë vlerësohet me vendin e pestë, me një notë tepër pozitive të Evropës, dhe kjo falë një interpretimi të shkëlqyeshëm të Ronës, dhe një kompozimi po aq të shkëlqyeshëm të Florentit”, ka thënë Saraçi. “Kemi shkuar pa klishetë e zakonshme dhe performancat e çuditshme të viteve të fundit në këtë kontekst”.

Rona Nishliu ka marrë 146 pikë në natën finale të “Eurovisionit” që është mbajtur më 26 të këtij muaji. Ajo ka zënë vendin e pestë duke renditur kështu Shqipërinë në pozitën më të lartë në këtë garë që kur merr pjesë në “Eurosong”. Deri tash rekordin e kishte mbajtur këngëtarja Anjeza Shahini, e cila në paraqitjen në vitin 2004 kishte zënë vendin e shtatë. Tekstin për këngën “Suus” e ka shkruar vetë Nishliu, ndërsa muzikën e ka bërë kompozitori kosovar, Florent Boshnjaku.

Me shpresë se në të ardhmen të rinjtë do të kenë mundësi të përfaqësojnë Kosovën në organizime të ndryshme ndërkombëtare dhe se Kosova do të jetë një vend i mundësive për të rinjtë, ne i inkurajojmë ata të vazhdojnë me punë dhe përkushtimin e gjithhershëm, duke besuar në angazhimin tonë të gjithëmbarshëm për përmirësimin e kushteve për zhvillimin normal të aktiviteteve tuaja të çmuara, të cilat i japin vlerë dhe kuptim vendit dhe shtetit tonë. /KI/

Vendin e dytë e ka siguruar “Reality” – film satirë i regjisorit italian, Mateo Garone – ndërsa në pozitën e tretë është renditur komedia “The Angels” nga Ken Loh.

Çmimi për aktorin më të mirë mashkull i ka takuar aktorit danez, Mads Milesen, për rolin në “The Hunt”, kurse çmimin e aktores më të mirë femër e kanë ndarë Kristina Flutur dhe Kosmina Straten për rolet në filmin “Beyond the Hills”.

Kana sivjet ka shënuar edicionin e 65-të të filmit.

Festivalin e kenges e kam ndjekur gjithmone me kureshtje, mbase I vetmi mes shume moshatarve te mi, kolegeve e ketij brezi te rinj gazetaresh. Nuk di ta shpjegoj pse me mban pas vete ky festival, por di te them qe ne te 50 e tij, mora ndjesine me te bukur qe me ka dhene muzika shqiptare, mora une dhe shume pak te tjere suus, ndersa sot fatmiresisht, edhe pse ne menyre jo korekte e kane marre te gjithe.

Para ekranit, me familjare te mi e shqiptare te tjere, me kersheri po ndiqnim kenget qe vinin njera pas tjetres. Kenge te bukura, por qe ecnin shpejt pa ndonje ngacmim. E gjitha kjo pa dale ende Rona ne skene.

Rona Nishliun deri para nje muaji, kohe kur me dashuri pranoi te me jepte nje interviste ndryshe per Planet Tv, e kam ndjekur nga ekrani. Gjithmone me ka mahnitur zeri I saj, stili dhe individualiteti muzikor. Pas atij dhjetori, Suus-in e saj e kam ndjere si rralle ndonje kenge tjeter, nuk kam lene hapesire mediatike pa folur e shfrytezuar, inserte e materiale pa punuar. Per te gjitha keto ka nje shpjegim, madje te forte e emocional.

Kur Rona kendoi naten e pare ne festival, mbetem te mberthyer pas ekranit. Nuk e di pse perfshirja emocionale ishte aq e madhe. Une e shume shqiptare te tjere, e kujtoj si tani, ngrime. Emocionalisht morem ndjesine me te vecante, nje ze e kenge me te cilen sishim mesuar, rrahje zemre por edhe lot. Po, lot! Ne fund te kenges se kuptova se cfare degjova, di qe gjithcka me rrembeu fort. Ishte e gjitha Suus.

Mjaftuan ato minuta te kendimit te saj te pare, per te mos iu ndare asnje cast Suus, qe nga dhjetori e deri finalen e 26 Majit, me patjeter edhe per shume vite te tjera.

Nga Athina ne Tirane doja te ndaja ndjesine time e te shume shqiptareve, krenarie dhe lumturine per nje ze unik e nje kenge qe svjen dy here. Por nuk ndodhi keshtu.

Reagimet ishin nga me drastiket, nje pjese, e cila deri para 22 majit ishte jo aq e madhe sa pjesa tjeter qe e kritikuan per muaj me rradhe fitoren e Rones e zbehen me komentet e tyre jo pozitive, mua e shume te tjereve qe e mbeshteten na “kryqezuan” a thua po perkrahnim dicka qe s’ishte e jona.

Nga e gjitha kjo atmosfere qe me trishtoi, sdua te genjej, mora brenda vetes vendimin, per te cilin cdo moment kam qene I lumtur. Ta mbeshtes e promovoj me shpirt Suus; tu them te gjitheve, edhe atyre qe jane mesuar me komerc, edhe atyre qe bejne profesionistin nga facebooku pa asnje njohuri perkatese, se Suus eshte kthesa e madhe ne keto vite muzike shqiptare, se muzikes shqiptare I erdhi nje kenge, nga ato per te cilat shume vende e kombe te tjera I ruajne me fanatizem ne arkivat e tyra te arta.

Nje shkrim te Mapo, I pedagoges e kompozitores Eriona Rushiti me beri te kuptoj qe sisha vetem. Cdo rresht I shkruar prej saj, me rikonfirmonte mua qe e doja Suus qe ne sekondin e pare, e te tjereve, se cfare dhurate te bukur na kishte sjelle Rona.

Por jo, gazetat e ekranet, shkrimet e insertet televizive nuk ndaleshin se foluri negativisht per kete kenge, duke e quajtur Suus nje vaj te tepruar, nje kenge qe seshte per eurovizion, qe do te na turperonte ne Baku e qe as ne finale nuk do te na dergonte. Ju lutem, mos e mohoni, keshtu ka ndodhur!

Per muaj te tere, njerez te medias dhe jo vetem, ne cdo hapesire qe ju jepej keni mohuar Suus, keni qene ju qe edhe mua bashke me ata te tjere, qe e mbrojten fort ne cdo sekonde Suus, na keni quajtur te cuditshem, keni ironizuar mbeshtetjen tone per nje kenge, qe po per pjesen me te madhe as kenge nuk ishte, jo me nje perfaqesim dinjitoz per ne eurovizion.

Pertej ketyre une nuk rreshta se punuari material per Suus, finalizova gjithcka me nje interviste te ndjere te Rones dy dite para se te nisej per ne Baku. Si une, edhe ata qe e ndjene dhe e mbeshteten qe nga dhjetori nuk e tradhetuan nje sekonde Ronen. Sepse ishim te ndergjegjshem qe Suus I Rones, vetem I asaj nuk ishte.

Me thoni njerez te mire, miq e te panjohur, a nuk eshte jeta jone nje Suus? A nuk e ndjejme cdo dite e me shume ftohesine e te gjitheve ne shpirtrat tane, a nuk po merr kjo bote formen me anti humane te mundshme? A nuk po iken koha aq shpejt, duke na rrembyer edhe ato pak ndjesi pozitive qe kemi? Sepse fatkeqesisht koha per ne ska me kohe.

Por cfare ndodhi kete jave, qe nga 22 maji kur Baku ndezi zjarrin e Eurovizionit?

Pertej tragjedise, qe eshte nje dhimbje e madhe, cfare ndodhi me pjesen me dermuese te atyre qe se donin Suus, qe e kritikuan aq sa munden, cdo here ne fakt, qe menduan se eurovizioni seshte vendi per kete kenge?

Kam ndjere nje hipokrizi masive, uroj te jem gabim, edhe pse sjam I vetmi qe mendoj keshtu. Interpretimi I rones, zeri e magjia e saj, kenga unikale e gjithcka Suus jo vetem qe mori vemendjen e eurovizionit, por edhe me skeptiket nderkombetare te ketij eventi I beri qe te shkruajne per “Albania-n” tone. Te mos kursehen, ashtu sic ju bete, duke jo vetem e komplimentuar Ronen por duke iu perulur zerit e kenges se saj. Ajo eshte diva, Aretha franklin e re, premtimi I ballkanit- shkruajten me prestigjozet mediatike. Gjithe Europa, si publik e profesionist e dashuroj Suus, e votoj e perkrahu.. pavaresisht qe nuk I kuptuan asnje fjale tekstit apo se ne mendjen e tyre nuk kishin “djallezine” e publikut shqiptare me muaj me radhe.

Te gjithe ju, shqiptare te mi, njerez te thjeshte dhe ju mediatike, nuk kursyet asgje per kete kenge ne keto muaj, fatkeqesisht jo pozitive. Por nisur nga reagimi europian, apo edhe mbase nga sjellja jone, qe gjithmone si kameleon ndryshojme sjelljen e perceptimet tona.. menjere pas kualifikimit per finale… nderruat mendje.

A thua nuk iu mjaftuan muaj te tere nga dhjetori per ta kuptuar qe Suuseshte unike, personalja e te gjitheve, dhimbja e nje jetese e te perditshme. Jo.. juve iu duheshe vota e europes, kualifikimi I Rones per te nxjere nga fjalori juaj, tani me, jo fjalet me negative, por vleresimet me te medha.

Une sigurisht qe pranoj, qe tani ndihem shume me mire qe nuk jam me vetem, qe une e disa te tjere perkrahen me shpirt Suus cdo sekonde deri me 22 Maj dhe sjemi me pakice, por jemi nje komb qe e duam Suus. Ashtu sic duhet te ishim qe ne dhjetor ne fakt.

Nuk ka asgje te keqe qe tani ju e doni kete kenge, qe tani skeni lene fjale nga me te vyerat duke ia thene kete jave Rones, por menyra si e bete eshte jo korekte, hipokrite ne fakt. Cfare do te ndodhte nqs Rona nuk do ishte kualifikuar? Me thoni, mos ndryshoni serish pozicionet tuaja, ju lutem. Me thoni sa do ishte “kryqezuar” Suus nese nuk do arrinte finalen, sa gati do te ishit ju, si gjithmone fatkeqesisht, te fajesonit ne kulm kengen e kengetaren nese gjerat do kishin shkuar ndryshe. Se ne fakt parashikimet tuaja keshtu ishin!

Sa I lumtur qe gjerat nuk shkuan keshtu, se kur e mendoj frikesohem. Frikesohem jo nga ajo cfare do thonit e shkruanit, sepse tani e keni bere menyre jetese, por sesa hiprokrizi ka mes nesh, mes jush. Absurd!

/Ermal Peci – Moderator, gazetar/

Në deklaratën që citojnë mediat ruse thuhet se Putini “është magjepsur me talentin dhe shijen që ka treguar grupi Babushka”.

Ky i fundit ka përfshirë gra të moshuara fshati, të cilat kanë kënduar edhe në anglisht, edhe në gjuhën e tyre lokale.

Eurovizioni sivjet është organizuar në Baku të Azerbajxhanit. Garën e ka fituar Suedia.

“Në emër të Qeverisë së Republikës së Kosovës dhe në emrin tim shpreh urimet më të mira për suksesin e këngëtares kosovare, Rona Nishliu, e cila i përfaqësoi në mënyrë dinjitoze vlerat e Kosovës nën flamurin kombëtar shqiptar në festivalin e Këngës Evropiane – Eurovizion”, thuhet në telegramin e kryeministrit Thaçi.

Rona Nishliu, me këngën “Suus”, ka përfaqësuar Republikën e Shqipërisë. Ajo ka zënë vendin e pestë në garën evropiane, që këtë vit është zhvilluar në Baku të Azerbajxhanit.