Prishtinë, 4 shkurt 2012

Ndër to është vënë re kohët e fundit edhe rritja e çmimit të biletës, kryesisht për relacionet nga Prishtina për në qytete të Rrafshit të Dukagjinit. Kjo ka shqetësuar tej mase studentët, të cilët ankohen, duke thënë se çmimi prej tre në katër euro për një relacion, është i papërballueshëm, duke pasur parasysh kushtet e vështira ekonomike. Kundër kësaj situate, kanë reaguar edhe përfaqësues të organizatës  “Paqja studentore” të Universitetit të Prishtinës, të cilët kanë paralajmëruar një protestë nëse nuk ulet çmimi i biletës.

Ndërsa zyrtarë të Stacionit të autobusëve e pranojnë se çmimi i biletës është i lartë, por arsyetojnë operatorët e këtyre relacioneve, duke pasur parasysh rritjen e çmimit të derivateve.

Ferizaj, 4 shkurt 2012

Sipas komunikatës, ditë më parë Qendra e Lëvizjes Vetëvendosje! Ferizaj kishte ndjekur procedurat e kërkuara dhe kishte marrë leje nga drejtori i arsimit të Komunës, Agim Berisha.  Por, megjithatë drejtori i shkollës fillore në këtë fshat, Bashkim Bytyçi  edhe pasi u informua për lejen e marrë nga drejtoria e arsimit të komunës Ferizaj nuk ka lejuar mbajtjen e këtij tubimi në hapësirat e shkollës.  Arsyetimi ishte se: “nuk i lejon subjektet politike të mbajnë takime në shkollën e tij”.

Në këtë tubim, ndër të tjerë, ishte paraparë të merrnin pjesë edhe nënkryetari e Vetëvendosjes,  Shpend Ahmeti dhe kryetari i Qendrës së vetëvendosjes në Ferizaj, Faton Topalli, të cilët pasi që  nuk u lejuan ta mbanin tubimin e njoftuar në ambientet e shkollës fillore folën me pjesëmarrësit në oborrin e shkollës duke premtuar  se: “do të kthehemi sërish te i njëjti vend për të mbajtur tubimin me ju”.

Munih, 4 shkurt 2012

Ish-koordinatori i Paktit të Stabilitetit për Evropën Juglindore, Erhard Busek, në një prononcim për KTV-në, ka deklaruar se Prishtina dhe Beogradi duhet të nisin diskutimet për ndarjen.

Ai thotë se kjo është zgjidhja më e mirë tash për tash dhe si shpërblim, Kosova do të njihej nga Serbia dhe nga pesë vendet e Bashkimit Evropian.

Pos ndarjes, ai përmend shkëmbimin e territoreve, Lugina e Preshevës t’i bashkohet Kosovës, e veriu i Kosovës Serbisë, për një zgjidhje të qëndrueshme në Ballkan.

“Jam i bindur që në fund të fundit nëse asgjë nuk do të jetë e mundur, atëherë ndarja është zgjidhje”, ka deklaruar Busek.

Ai ka folur edhe për bisedimet Kosovë-Serbi të ndërmjetësuara nga Bashkimi Evropian që sipas tij vetëm pas zgjedhjeve në Serbi do të krijohen kushte të favorshme për zhvillimin e bisedimeve.

Viti, 4 shkurt 2012 -

’’Në disa pjesë të fshatit ortekët kanë shkuar në lartësi deri në 3 metra dhe më gjithë angazhimin e fshatrave,këto rrugë nuk janë zhbllokuar dhe kjo ka pamundësuar qarkullimin e qytetarëve’’, ka thënë Hasani.

Kurse Zymri Ilazi, përfaqësues i Debëlldeut, përmes telefonit për  Kosova Info, ka thënë se shkaku i specifikave të terrenit, rruga e fshatit është pastruar vetëm deri në hyrje, kurse pjesët e tjera janë bllokuar dhe kjo ka vështirësuar në masë qarkullimin e qytetarëve. Ai ka theksuar se është në pritje që komuna të sigurojë ndonjë mekanizëm që mund të zhbllokojë këto rrugë, pasi mekanizmi që është shfrytëzuar deri tani për pastrimin e rrugëve nuk mund të ndihmojë që këto rrugë të zhbllokohen.

Aziz ZUKA

Prishtinë, 4 shkurt 2012

Ne këtë takim, siç njoftohet nëpërmjet një komunikate)  me theks te veçantë janë  diskutuar  mundësitë e ndihmës konkrete me projekte për demokratizimin e jetës ne veri te Kosovës.  Në këtë perspektivë, janë arritur konkluzione të sakta të cilat në nivelin teknik pritet të dakordohen gjatë ditëve të ardhshme.

Delegacioni i MAPL-së i kryesuar nga ministri Petroviq, ka vazhduar vizitën në Kongres të SHBA-ve  ku ka takuar anëtarë të kongresit. Një takim te veçantë e ka bërë me kongresmenin Eliot Engel, me te cilin kanë biseduar për zhvillimet e përgjithshme politike e ekonomike ne Kosove.  Një theks në bisedim iu ka dhënë çështjes se integrimit të komuniteteve në jetën institucionale e shoqërore dhe garantimit të ruajtjes se trashëgimisë dhe barazisë së qytetarëve të Kosovës.  Eliot Engel ka theksuar se ka qenë  përkrahës i madh i pavarësisë së Kosovës, por për gjithë qytetarët e saj.

Një takim i rëndësishëm për shkëmbimin e përvojave në organizimin e pushteteve lokale është mbajtur pasdite me  Asociacionin për menaxhimin e autoriteteve lokale ( County Management Associacion ) në të cilën në formë të ndarë, drejtorë të departamenteve te MAPL-së në takime te ndara kanë mundur të bashkëbisedojnë gjatë me zyrtarët amerikan të këtij asociacioni. Janë diskutuar modelet e organizimit dhe veçanërisht për modelin e matjes së performancës pasi së bashku me këtë institucion ka filluar implementimi i tyre edhe në Kosovë.

Petroviq është takuar në Këshillin e Distrikit të Kolumbias me  Nyasha Smith , sekretar i Këshillit. Në këtë takim janë biseduar aspekte te ndryshme legjislative, të buxhetit dhe praktikat e mira të komunikimit me qytetarët për projektet në interes të tyre. Para stafit të lartë të MAPL ka pasur një prezantim detal se si menaxhohet qyteti i Washingtonit dhe organizimi i tij.

Prishtinë, 4 shkurt 2012

Importi i mallrave nga Serbia në vendin tonë ka shënuar rënie, ndërsa me Shqipërinë ka pasur rritje jashtëzakonisht të madhe.

Drejtori i Doganave të Kosovës, Naim Huruglica, nuk ka mundur të jepte shifra për këtë, por ka thënë se ndikim ka pasur edhe vendimi i 25 korrikut për reciprocitet me Serbinë.

Huruglica ka përmendur edhe sfidën më të madhe  me të cilën po ballafaqohen doganat, e kjo mbetet veriu i vendit.

Sipas informacioneve të doganës, kamionët me mallra kosovare nuk kanë hasur në pengesa gjatë hyrjes në Serbi.

Gjatë prezantimit të përmbledhjes së vitit 2011-të Huruglica, ka thënë se Doganat kanë arritur të grumbullonin 827 milionë euro të hyra, apo 127 milionë euro më shumë se në vitin 2010, e që në përqindje i bie 18 për qind më shumë.

Ndërsa sipas tij faktorët, të cilët kanë ndikuar në rritjen e të hyrave janë zvogëlimi në mas të madhe e kontrabandës, ngritja e akcizës për karburante dhe cigare si edhe faktorë të tjerë.

Huruglica ka folur edhe për aksionet të cilat i kanë kryer në bashkëpunim me Policinë e të cilat kanë rezultuar me parandalimin e llojeve të ndryshme të drogave , armëve si dhe deklarimet monetare.

Doganat e Kosovës parashikojnë të mbledhin 867 milionë euro në vitin 2012.

Mynhen, 4 shkurt 2012 –

Presidentja Jahjaga dhe z.Zeil, diskutuan edhe lidhur me mundësitë e bashkëpunimit mes Landit të Bavarisë, ndër pjesët më të përparuara ekonomikisht, dhe Kosovës,  me theks të veçantë për mundësitë e bashkëpunimit në fushën e ekonomisë.

Presidentja Jahjaga tha se Kosova ka resurse të rëndësishme që janë atraktive për investitorët: potencial të pasur njerëzor, të përgatitur për të qenë konkurrentë në ekonominë globale, dhe normat e tatimeve ndër më të ulëtat në Evropë, parakushte këto të rëndësishme për bizneset e huaja që të hapin degët e tyre në Kosovë. Vendi ynë është përcaktuar për një ekonomi të tregut dhe për ofrimin e shanseve të barabarta për të gjithë investitorët, tha Presidentja Jahjaga.

Ndër të tjera Presidentja Jahjaga, gjithashtu e njoftoi z. Zeil, lidhur me situatën politike dhe për zhvillimet e përgjithshme në Kosovë.

Z. Zeil u zotua për identifikimin e fushave të bashkëpunimit, duke përmendur se tashmë 110 kompani bavareze veprojnë në Kosovë. /rel/

Sipas zyrtarëve në Ministrinë e Shëndetësisë, krahasuar me vitet paraprake, viti 2011 ka qenë një vit më i mirë sa i përket kushteve për këtë sëmundje.

Është formuar bordi shtetëror për kontrollin e kancerit me dy nënkomitete të tij, është hartuar fletëparaqitja e sëmundjeve malinje, si dhe gjatë tërë vitit është aplikuar kimioterapia në Qendrën Klinike Universitare të Kosovës.

​​Faik Hoti, drejtor i Departamentit të informimit në Ministrinë e Shëndetësisë, jep më shumë hollësi:

“Kjo ditë Kosovën e gjen në një gjendje shumë më të mirë se vitet paraprake, jo në atë pozitë që do ta dëshironin edhe institucionet shëndetësore, edhe qytetarët, mirëpo me përmirësime të ndjeshme, që lidhen me aplikimin e plotë dhe finalizimin e projektit për aplikimin e  kimioterapisë te personat e sëmurë nga kanceri, në sektorin publik”.

Onkologia Mejreme Krasniqi-Maloku, e cila njëherësh është e vetmja onkologe e licencuar për tërë Kosovën, thotë se duke u bazuar në punën e përditshme në Institutin Onkologjik, të Qendrës Klinike Universitare, numri i të prekurve me kancer është në rritje, edhe pse në mungesë të kancer- regjistrit, këto të dhëna nuk mund të jenë reale.

“Është një numër relativisht i madh. Brenda ditës pacientët e vizituar gjatë vitit 2011, kanë qenë 10 mijë 800, dhe nga ta, te 8600 pacientë është aplikuar terapia onkologjike. Ndërkaq, vetëm gjatë janarit të këtij vitit, 1360 pacientë e kanë vizituar institutin, derisa te 1050 pacientë është aplikuar terapia. Pra, shihet që ka rritje”, bën të ditur Mejreme Krasniqi-Maloku.

Sipas Krasniqi-Malokut, sa i përket kushteve në këtë institut, ku edhe trajtohen pacientët e prekur me kancer, ato nuk janë në nivelin e dëshiruar. Por, ajo shton se krahasuar me vitet paraprake, në vitin 2011 ka pasur lëvizje pozitive.

“Sa i përket kushteve në këtë institut mungojnë hapësirat, por nëse bëjmë krahasimin me vitet paraprake ku është aplikuar kimioterapia,  është një përmirësim i dukshëm, por që mungon inventari i domosdoshëm për realizimin e punës, po ashtu edhe stafi mjekësor mungon, dhe duhet rritur në mënyrë që t’i dilet në ballë këtij numri të pacientëve meqë është qendër referente për gjithë Kosovën”, shton Krasniqi-Maloku.

Udhëheqësi i Organizatës Botërore të Shëndetësisë për Kosovë, Skender Syla, pohon se duke mos pasur në pozicion të dhëna të sakta statistikore, sa i përket sistemit të informimit shëndetësor, e në këtë kuadër edhe të personave të sëmurë me kancer, nuk mund të dihet saktë se me çka përballet Kosova. Por, ai shton se kjo sëmundje, edhe në nivelin global, është në trend të rritjes.

“Në Kosovë, viteve të fundit ka filluar trajtimi në Qendrën Klinike Universitare të Kosovës, dhe është një hap i mirë. Megjithatë, në këtë kuadër duhet të vazhdojnë edhe intervenime të tjera, si radioterapia. Por, kanë mbetur edhe disa aspekte tjera që duhet përmirësohen si ai i diagnostikimit të hershëm, në mënyrë që të  fillojë edhe trajtimi i hershëm. Kjo do të shihej si diçka pozitive”, thekson Syla.

E, sa i përket furnizimit me terapi për trajtimin e sëmundjes së kancerit, Mejreme Krasniqi- Maloku thotë se ka hapësirë për përmirësime, derisa shton se buxheti për barna i Ministrisë së Shëndetësisë, nuk e lejon mbulimin e qindtë për qindtë për trajtim të pacientëve.

“Terapia nuk i përmbush qind për qind të nevojave pa rritje të buxhetit në përgjithësi, e në veçanti, rritje të buxhetit për citostatikë. Janë në dispozicion 4 milionë euro, e që 4 milionë euro është vetëm gjysma e buxhetit që do t’i duhej vetëm Institutit Onkologjik për sigurimin e terapisë”, sqaron Krasniqi – Maloku.

Të dhënat e Organizatës Botërore të Shëndetësisë flasin se brenda vitit në botë regjistrohen rreth 10 milionë raste të reja me kancer. Supozohet se në vitin 2020 kjo rritje mund të shkojë deri në rreth 15 milionë raste të reja në nivel global. /rel/

Prishtin

Ata thonë se autoritetet kosovare kanë mbetur duarkryq, për shkak të mungesës së vullnetit të palës serbe për të dhënë informata për varrezat e dyshuara masive dhe çështjeve të tjera që ndërlidhen me krimet e luftës në Kosovë.

Drejtori ekzekutiv në Këshillin për Mbrojtjen e Lirive dhe të Drejtave të Njeriut në Prishtinë, Behxhet Shala, thotë se bashkësia ndërkombëtare aktualisht po u kushton më shumë vëmendje zgjidhjes së problemeve politike ndërmjet Kosovës e Serbisë, duke i lënë anash ato humanitare.
“Bashkësia Ndërkombëtare e di se, në qoftë se u bën një trysni më të madhe të dyja palëve, atëherë do ta rrezikonte procesin politik. Prandaj familjet e personave të pagjetur janë duke pësuar për shkak të një oportuniteti politik të Bashkësisë Ndërkombëtare, e cila është e vetmja që duke kushtëzuar të dyja palët, do t’i detyronte të japin informacione për fatin e personave të pagjetur”, thotë Shala.

Me gjithë premtimet se çështja e personave të pagjetur do të futet në kuadër të dialogut teknik me shtetin serb, që nga nisja e këtij procesi në muajin mars të vitit të shkuar, ajo nuk është përmendur pothuaj fare në deklarimet zyrtare e krerëve të delegacioneve përkatëse.

Mënyrat anësore për komunikim me Bashkimi Evropian, si ndërmjetësues i dialogut, sipas udhëheqëses së Fondit për të Drejtën Humanitare në Serbi, Natasha Kandiq, duhet të përdoren si mjet presioni ndaj palës serbe.

Kandiq vlerëson se i takon Kuvendit të Kosovës ta trajtojë urgjentisht çështjen e personave të pagjetur.

​​​​
“Shoqatat e viktimave në Kosovë duhet t’i kërkojnë Parlamentit të Kosovës ta trajtojnë çështjen e personave të pagjetur si çështje të rëndësishme për marrëdhëniet ndërmjet Serbisë dhe Kosovës”, thekson Kandiq.

Kontaktet dhe takimet ndërmjet komisionit serb dhe atij kosovar për krime lufte thuhet se kanë vazhduar edhe gjatë vitit 2011, por pa rezultuar me ndonjë informatë të re për këtë çështje.

E pyetur nëse për këtë do të duhej të miratohej një rezolutë nga legjislativi kosovar, Kandiq thotë:

“Rezoluta nuk ka ndonjë fuqi, por institucionet kosovare do të duhej t’i shfrytëzonin takimet me politikanët dhe përfaqësuesit e Bashkimit Evropian, për të diskutuar çështjen e personave të pagjetur, sepse ajo është e rëndësishme për familjet shqiptare, sikurse për ato serbe”.

Pas diku dhjetë seancave publike të mbajtura që nga paslufta për personat e pagjetur, Komiteti Ndërkombëtar i Kryqit të Kuq kishte kritikuar mekanizmat përgjegjës për ritmin e ngadalshëm të punës në këtë proces.

Mësohet se nga 6 019 persona të raportuar në këtë komitet, si të zhdukur nga familjet e tyre, 1 799 ende konsiderohen të pagjetur.

Pa i gjetur informatat për rreth 1800 persona që vazhdojnë të mbesin të pagjetur në Kosovë që nga paslufta, nuk mund të normalizohen raportet ndërmjet Kosovës e Serbisë, thonë në organizatat për të drejtat e njeriut. /rel/

Gjilan, 4 shkurt 2012 –

Ky aksion i Vetëvendosjes, nga udhëheqja komunale e Gjilanit është cilësuar si një veprim i ulët dhe që nuk i ka hije këtij subjekti politik.

Aktivistët e Vetëvendosjes me maskë në kokë me figurën e Qemajl Mustafës, kanë parakaluar rrugëve të qytetit, me pankartat “O kryetar a po të shiten bananet”, dhe në ato në të cilat shkruante se kryetari i Gjilanit ka edhe biznese të tjera pos atij me banane.

Sipas tyre, kryetari Mustafa ka biznes edhe me vajra motorike, me kompjuterë, sikurse që thanë se e ka edhe biznesin me komunën e Gjilanit. Aktivistët i kanë varur bananet në pemën afër Kuvendit Komunal e më pas ato janë hequr nga sigurimi e aty ka qenë e pranishme edhe policia, e cila nuk ka intervenuar.

Duruntina Hasani, aktiviste e Vetëvendosjes, ka thanë se kanë ardhur për t’i dëshiruar kryetarit sa më shumë biznes, por siç thanë edhe për të kërkuar dorëheqjen e tij, ngase ai komunën e ka shndërruar në biznes të dorës së dytë, duke nëpërkëmbur problemet dhe hallet e qytetarëve.

Ajo tha se Mustafa partneritetin publiko-privat e ka shndërruar në biznes privato-privat dhe se komuna e Gjilanit nuk ka nevojë për një biznesmen, por për një kryetar që rri afër qytetarëve dhe ballafaqohet me pakënaqësitë e tyre. Vetëvendosje ka kërkuar që kryetari i Gjilanit të mos e shes komunën, që e ka shndërruar në biznes të vetin.

Shefik Surdulli, shef i zyrës për Informim në Kuvendin Komunal të Gjilanit, veprimin e Vetëvendosjes e ka quajtur të ulët, të tepruar dhe që nuk i bënë nder askujt. Ai ka thënë se Qemajl Mustafa ka sqaruar marrëdhëniet e tij me kompaninë “Frutta Viva”, bile së fundi ai edhe publikisht ka hequr dorë nga ajo kompani, duke thënë se më nuk është aksionar.

“Nuk i ka hije Vetëvendosjes e as qytetarëve të Gjilanit të merret me gjëra të tilla e kryetari si çdo qytetar tjetër ka të drejtë të merret me aktivitetet e tija private”, ka thënë Surdulli, që edhe njëherë ka bërë me dije se Qemajl Mustafa më nuk është bashkëthemelues i Kompanisë “Frutta Viva”, ndërmarrje kjo që merret me pjekjen e bananeve.