Prishtinë, 4 shkurt 2012

Importi i mallrave nga Serbia në vendin tonë ka shënuar rënie, ndërsa me Shqipërinë ka pasur rritje jashtëzakonisht të madhe.

Drejtori i Doganave të Kosovës, Naim Huruglica, nuk ka mundur të jepte shifra për këtë, por ka thënë se ndikim ka pasur edhe vendimi i 25 korrikut për reciprocitet me Serbinë.

Huruglica ka përmendur edhe sfidën më të madhe  me të cilën po ballafaqohen doganat, e kjo mbetet veriu i vendit.

Sipas informacioneve të doganës, kamionët me mallra kosovare nuk kanë hasur në pengesa gjatë hyrjes në Serbi.

Gjatë prezantimit të përmbledhjes së vitit 2011-të Huruglica, ka thënë se Doganat kanë arritur të grumbullonin 827 milionë euro të hyra, apo 127 milionë euro më shumë se në vitin 2010, e që në përqindje i bie 18 për qind më shumë.

Ndërsa sipas tij faktorët, të cilët kanë ndikuar në rritjen e të hyrave janë zvogëlimi në mas të madhe e kontrabandës, ngritja e akcizës për karburante dhe cigare si edhe faktorë të tjerë.

Huruglica ka folur edhe për aksionet të cilat i kanë kryer në bashkëpunim me Policinë e të cilat kanë rezultuar me parandalimin e llojeve të ndryshme të drogave , armëve si dhe deklarimet monetare.

Doganat e Kosovës parashikojnë të mbledhin 867 milionë euro në vitin 2012.

Athin

Shqetësimet se Greqia mund të jetë e detyruar të largohet nga euroja dhe kriza e ashpër ekonomike, i kanë nxitur grekët që t’i tërheqin kursimet e tyre në banka.

Shumë individë dhe kompani ishin të detyruar t’i tërheqin të hollat për t’i bërë pagestat e faturave, por shumë grekë, poashtu, i kanë tërhequr paratë dhe i ruajnë në mënyra të tjera, përfshirë edhe kutitë depozituese të sigura.

Prishtin

“Kjo është arritur me kthimin në punë të njësisë B1. Blloku është kthyer pas angazhimit të jashtëzakonshëm të punëtorëve të KEK-ut, të cilët përkundër acarit të madh që po mbizotëron këto ditë, nuk janë ndalur asnjëherë së punuari për ta normalizuar gjendjen. Tashmë kategoria A dhe B po furnizohen pa ndërprerje me energji elektrike, përderisa reduktime ka vetëm për kategorinë C.”, thuhet në një komunikatë.

Sipas KEK-ut, gjendja ishte rënduar pas ngricave të cilat kishin bërë që të ketë mosfunksionim të stabilimenteve. Gjithsesi, probleme ka ende në Ferizaj dhe Gjakovë, ku erërat e forta dhe moti i lig kanë shkaktuar rreth 15 prishje. /io/

Prishtinë, 3 shkurt 2012 –

Në zyrën e PTK-së te Qafa në Prishtinë u bë rrëmujë dhe zhurmë e madhe mes kolegëve duke protestuar për pagën e re që do ta marrin. Të inatosur në menaxhmetin për vendimin e sjellë, ata bisedonin rreth mundësisë së protestimit për të mos e pranuar këtë ulje pagash.

Punëtorë të PTK-së i kanë dërguar portalit KosovaTimes informacione duke thënë se koeficientet e punëtorëve janë ulur deri në tri grada. “Shumica e kolegëve kanë marrë e-mail përmes të cilit janë njoftuar për zbritjen e pagave, sipas koeficientit. Shumica e punëtorëve tani e tutje do të marrin paga më të ulëta, ndërsa ky vendim nuk i ka prekur vetëm disa qindra punëtorë”, ka treguar një punëtor i PTK-së në kushte anonime.

Lajmin për nivelizimin e pagave në PTK e ka konfirmuar të premten edhe zëdhënësi i kësaj kompanie, Menduh Abazi.

Ai tha se modifikimi apo harmonizimi i pagave në PTK është bërë nga një grup ekspertësh që kanë punuar në realizimin e koeficientëve të ri, në përputhje me përvojën dhe përgatitjet profesionale të punëtorëve.

“Një numrit të punëtorëve i është rritur paga, por ka pasur edhe prej atyre të nivelit të mesëm që iu janë ulur pagat. Me këtë nivelizim apo harmonizim, kemi arritur me i ul shpenzimet që ka kërkuar Ministria, por duke mos i dëmtuar të gjithë punëtorët”, ka thënë Abazi.

PTK numëron rreth 3 400 punëtorë. Prej këtyre, vendimi për uljen e pagës i ka prekur më shumë se 1 400 punëtorë, ndërsa pjesës tjetër ose nuk i është ulur grada, ose i është rritur ajo. “Me këtë vendim për harmonizim të pagave, PTK deri në fund të vitit parashihet të kursejë mbi 6 milionë euro”, tha Abazi.

Bruksel, 3 shkurt 2012 –

Sipas të njëjtit burim, dërgesat në Austri dhe Itali kanë rënë nga 30 për qind në 24.

Në anën tjetër, gjiganti energjetik i Rusisë, Gazprom, ka thënë se ka rritur furnizimet me gaz jo vetëm në Evropë, por edhe në Bjellorusi dhe Ukrainë. Ai po ashtu sugjeroi se Ukraina “ndalon dërgesat e destinuara për konsumatorët evropianë”. Kievi, megjithatë, fajëson Rusinë për shkurtimet.

Ministri ukrainas i Energjisë, Juri Boiko, tha se Rusia shet rreth 15 për qind më pak gaz, për shkak të rritjes së konsumit të brendshëm.

Mbi 80 për qind e dërgesave ruse të gazit arrijnë në Evropë përmes rrjetit të tubacioneve të Ukrainës.

Prishtin

Në këtë takim u miratua Rregullorja e Punës së KPPP-së, Plani i punës për
vitin 2012, Direktiva për publikime të njoftimeve për PPP si dhe është aprovuar projekti “Shër imet Komunale të Menaxhimit të Mbeturinave në Komun ën e Suharekës”.

Projekti në fjalë është projekti i dytë PPP i aprovuar për autoritetet e nivelit komunal, dhe i pari pas aprovi mit të ligjit të ri për PPP. Rol të rëndësishëm në përgatitjen e projekti t ka patur projekti i USAID, GFSI (Growth and Fiscal Stability Initiative), përmes konsulenc ës pro fesi onale. Projekti ka për qëllim përfshi erjen e sektorit privat përmes aranzhimeve
ko ntraktuale në mbledhjen dhe ndarjen e mbeturinave në Komunën e Suharekës në mënyrë që të përmi rësohet gjendja momen tale e menaxhimit të mbeturinave.
Konkretisht, projekti përbëhet nga komponentët në vijim:
- Mbled hja e mbeturinave të gjen eru ara në tërë territorin e komu nës,
- Transpo rtimi i mbeturave të mbledhura në Deponinë e Prizrenit,
- Ndërtimi d he operimi me një fabri ke për seleksio nimin e mbeturinave
në Suharekë,
- Rritja e mbulueshmërisë (sipas një plani të para-përcaktu ar),
- Ndarja e mbeturinave.

Në vazhdimësi, Komiteti për PPP do t’i ofroj mbështetje të fuqishme projekteve ko munale që kanë për qëllim përmirësimin e infrastrukturës publike për qytetarët e Republikës së Kosovës. /KI/

Prishtinë, 3 shkurt 2012

Edhe vështirësitë e Termokosit që t’iu ofrojë ngrohje konsumatorëve në kryeqytet gjatë tere ditës,  kane rezultuar në një ngarkesë në sistemin energjetik prej 80 MW. Si rrjedhojë, ngarkesa në Prishtine është konstant rreth 250 MW.

Gjendje e njëjtë mbizotëron edhe në rajon. Linjat transmetive rajonale janë në limitin e tyre, pasi kërkesa është e jashtëzakonshme. Situatën e ka rënduar edhe më tepër mungesa e furnizimit me gaz e rajonit.

KEK-u thekson se niveli i importit të nevojshëm në këtë gjendje të jashtëzakonshme është i pamundur të sigurohet. Për me tepër, kushtet ekstreme atmosferike kane vështirësuar prodhimin e energjisë elektrike. Acari ka penguar edhe stabilimentet në termocentrale, të cilat kohë pas kohe kanë dështuar të funksionojnë. Problemet rezultojnë tek hinkat, rrëshqitja e shiritave transportues, thyerja e shiriti transportues te qymyrit që furnizon njësinë A4 ndërsa ekskavatorët e djerrinës nuk kanë mundur të punojnë prej mbrëmjes të së enjtes, si pasojë e ngricave.

Pajisjet e ngrira vazhdimisht janë shkrirë, janë rikthyer dhe po rikthehen vazhdimisht në punë fale përkushtimit maksimal të punëtorëve 24 orë në ditë, por kushtet atmosferike kanë bërë të veten, thekson Shërbimi për informim i kësaj korporate. Madje, sipas njoftimit, ngrirja e pajisjeve ka nxjerrë dy njësi nga prodhimi. Rikujtohet se në kushtet e ngjashme atmosferike të vitit 1985, kishin ndodhur “trembëdhjetë rënie të blloqeve të TCB, që kanë qenë deri 8 ditë jashtë pune”.

KEK-u nga dje ka shpallur gjendja e jashtëzakonshme dhe të gjithë punëtorët e korporatës në të gjitha divizionet janë në gatishmëri gjatë 24 orëve.

Për ta lehtësuar gjendjen, korporata ka kërkuar nga konsumatorët e mëdhenj të zvogëlojnë ngarkesën, sikurse  ka ndërprerë të gjitha operimet jo shumë të rëndësishme në mihje. Po ashtu u bëhet thirrje të gjithë konsumatorëve që të bëjnë kursim maksimal të energjisë elektrike.

KEK-u, përkatësisht KOSTT-i i kanë këshilluar konsumatorët

•Të përmbahen nga shfrytëzimi i energjisë për ngrohje sa më shumë që është e mundur dhe aty ku ka mundësi të përdoren burime të tjera të ngrohjes, ato të shfrytëzohe;

të shkyçen bojlerët gjatë orëve të pikut – në mëngjes dhe mbrëmje, përkatësisht nga ora 8:00 deri në 11:00 në mëngjes dhe nga ora 18:00 deri në 22:00 në mbrëmje; si dhe të shfrytëzohen mundësisht pajisjet me dru ose me gaz për zierje të ushqimit.

Korporata insiston fuqishëm në kërkesën e saj që aty ku është e mundur të përdoren për ngrohje lendet djegëse dhe jo energjia elektrike. Përdorimi i formave alternative të ngrohjes do t’ia lehtësonte shumë barrën KEK-ut që ta kryente misionin e vet  në mënyrën më të mirë të mundshme, përkundër rrethanave ekstreme atmosferike që po mbizotërojnë aktualisht.

Shtërpcë, Viti, Malishevë -  3 shkurt 2012

Shtresa të mëdha të borës kanë bllokuar edhe  një pjesë të fshatit malor Debelldeh të Vitisë. Si pasojë e erës së fuqishme në një pjesë të fshatit Debelldeh, bora ka krijuar shtresa deri në 3 metra, dhe kjo ka pamundësuar qarkullimin e qytetarëve dhe nxënësve të disa lagjeve të Debelldehut.

Edhe korrespondenti i ‘Kohës Ditore’ nga Malisheva bën të ditur se gjendja në fshatin Berishë vazhdon të mbetet e vështirë për shkak të rënies së borës. Kryetari i këtij fshati, Eshref Berisha të premten rreth orës 14:00 ka njoftuar se një bager i njërës nga kompanitë e pastrimit nga Malisheva është duke bërë përpjekje për hapjen e rrugës, por po ka vështirësi të mëdha. “Kur bageri ishte duke ardhur drejt fshatit, mbeti në gjysmë të rrugës, sepse humbi në shtresën e trashë të borës.

Alban Kastrati, drejtor i Drejtorisë së Shërbimeve Publike në KK të Malishevës, ka njoftuar se dy kompanitë e angazhuara nga komuna për pastrimin e rrugëve nga bora janë duke pastruar rrugët në drejtim të Llapçevës, Panorcit, Rudit, Damanekut, Çypevës, Bublit, Gurbardhit e fshatra të tjera.

Prishtinë, 3 shkurt 2012 –

Arsyeja e mos ndikimit të krizës ekonomike të eurozonës në Kosovës, sipas tyre, është qasja e kufizuar e Kosovës në tregjet evropiane.

Gjatë një debati me temën ekspozimi i tregut financiar të Kosovës në tregjet evropiane, përfaqësues të institucioneve të Kosovës dhe organizatat ekonomike në vend, theksuan se kanalet përmes të cilave pritet të ndikohet Kosova nga kriza në eurozonë është rënia e mundshme e remitencave, rritja më e ngadalësuar e eksporteve dhe të hyra më të ulëta nga investimet e huaja diskete.

Ministri i Financave Bedri Hamza, thotë se kriza në eurozonë, e njohur si krizë e borxheve, nuk ka prekur Kosovën në masë të madhe për faktin se, siç thotë Hamza, Kosova e ka borxhin publik më të voglin në rajon dhe ajo është vetëm rreth 5.4 për qind e GDP-së.

“Të dhënat aktuale dëshmojnë se Kosova në tërësi ka menaxhuar të mbetet e pandikuar nga kriza e cila preku tregjet financiare globale, dhe e cila është përcjellë me kriza ekonomike, kryesisht në vendet e zhvilluara gjatë vitit 2009, dhe se tani kjo që e ka kapluar vendet e eurozonës e që kryesisht lidhet me borxhin publik”, shprehet ai.

Hamza thekson se edhe përkundër tkurrjes ekonomike të parashikuar për vitin 2012, Kosova mbetet vendi me rritje më të lartë, krahasuar me vendet në rajon.

Kjo, sipas tij, është për shkak të investimeve të qeverisë në projekte kapitale.

Këto investime, thotë Hamza, pritet të zvogëlojnë dukshëm efektin e krizës ekonomike në eurozonë.

Në anën tjetër, kryetari i Odës Ekonomike të Kosovës, Safet Gërxhaliu, thotë se është e tepërt të debatohet se Kosova nuk është e prekur nga kriza.

Kosova, siç thotë ai, çdo herë ka qenë në krizë ekonomike.

“Jam i mendimit që një debat i tillë duhet të analizohet nga dy këndvështrime, në aspektin ekstrem dhe intern. Në aspektin ekstrem duhet të jemi të vetëdijshëm për të gjitha masat që kanë marrë qeveritë e shteteve e evropiane që për vitin 2012 të bëjnë një reduktim të investimeve kapitale dhe të kenë një monitorim më radikal, dhe si pasojë e një monitorimi të tillë, pa mëdyshje, do të ketë edhe rënie të rritjes ekonomike, dhe do të ketë mundësi më të vogla të importeve”, thekson Gërxhaliu.

Si element tjetër është ndikimi i sistemit bankar të Kosovës nga krizës ekonomike në eurozonë.

Drejtori i Qendrës për Hulumtime Strategjike Sociale, Ibrahim Rexhepi, thotë se sistemi bankar i Kosovës ka qenë i pandikuar nga krizat ekonomike në botë.

Ai thekson se bankat në Kosovë kanë vazhduar të jenë të qëndrueshme.

“Pavarësisht zhvillimeve që kanë ndodhur nga viti 2008 – 2009 e këtej, nuk ka pasur ndonjë shqetësim në sistemin bankar, së paku kur ka rritje të depozitave apo kreditimi, që kanë shënuar rritje dhe që kanë ndikuar pozitivisht në afarizmin e bankave”, thekson ai.

Ndryshe, në raportin e fundit të Bankës Botërore të titulluar “Perspektiva Globale Ekonomike për vitin 2012”, ku përfshihet edhe Kosova, thuhet se për shkak të problemeve të borxheve në eurozonë, në Kosovë gjatë këtij viti do të ketë rënie të bruto prodhimit vendor në 3.9 për qind, nga 6.3 për qind sa ishte në vitin e kaluar. /rel/

Britani, 3 shkurt 2012 –

Huhn tha përmes një deklarate se ai ishte i pafajshëm dhe se vendimi për ta akuzuar ishte “thellësisht për keqardhje”.

Shkelja e pretenduar ka ndodhur në vitin 2003 dhe që nga atëherë Huhn dhe gruaja e tij janë ndarë. Huhn dhe ish gruaja e tij pritet të paraqiten në gjykatë më 16 shkurt.