Munih, 4 shkurt 2012 –

“Shpesh herë kam folur dhe këtë do ta përsëriti: “pranvera arave do të pasoë edhe në Kinë”, ka porositur senatori amerikan në konferencën e 48-të për sigurinë, që po mbahet në Munih.

Zëvendës shefi i diplomacisë kineze, Zang Zijun, ka hedhur poshtë këto vlerësime dhe ka kundërshtuar çdo ndërhyrja nga jashtë në punët e brendshme të Kinës.

Uashington, 4 shkurt 2012 –

Afro 50 policë u paraqitën në Sheshin Mekferson dhe i morën thasët për fjetje dhe tendat, që protestuesit i kishin përdorë për të mbetur në këtë shesh gjatë natës.

Policia tha se ata po i zabtonin rregullat, që i lejojnë demonstruesit në vende të ndryshme, por e ndalojnë krijimin e kampit.

Demonstruesit thonë se policia efektivisht po i dëbon ata duke i detyruar me forcë, që t’i largojnë pajisjet për fjetje.

Okupimi në Uashington ishte më i dukshme, prej pak kampeve të mbetura në Shtetet e Bashkuara, prej muajit shtator dhe tetor të vitit të kaluar, kur filluan protestat kundër pabarazisë ekonomike dhe kundër ndikimit të bizneseve të mëdha në politikë.

Mynhen, 4 shkurt 2012 –

Ministri i jashtëm i Rusisë, Sergei Lavrov, gjatë fjalimit në Konferencën ndërkombëtare të sigurisë në Munih të Gjermanisë, tha sot se shumë aleanca aktuale ende janë të orientuara kah betejat e Luftës së Ftohtë.

Ai nuk e ka specifikuar me emër ndonjë aleancë.

Zoti Lavrov tha se Rusia mbetet e gatshme për të diskutuar për programet e mbrojtjes raketore me Shtetet e Bashkuara.

Sipas tij, Rusia vazhdon t’i kundërshtoj planet amerikane për vendosjen e sistemit mbrojtës raketor në Evropë, për shkak të shqetësimeve se sistemi i tillë mund ta dëmtoj arsenalin strategjik raketor të vjetruar të Rusisë.

Athin

Shqetësimet se Greqia mund të jetë e detyruar të largohet nga euroja dhe kriza e ashpër ekonomike, i kanë nxitur grekët që t’i tërheqin kursimet e tyre në banka.

Shumë individë dhe kompani ishin të detyruar t’i tërheqin të hollat për t’i bërë pagestat e faturave, por shumë grekë, poashtu, i kanë tërhequr paratë dhe i ruajnë në mënyra të tjera, përfshirë edhe kutitë depozituese të sigura.

ShBA, 4 shkurt 2012 –

Në kumtesë theksohet se komandanti ushtarak i qarkut të Uashingtonit, Majkël Linington, i ka referuar të gjitha akuzat te Gjykata e Përgjithshme Ushtarake.

I akuzuari Mening ballafaqohet me 22 pika të akuzës, përfshirë edhe ndihmë dhënë armikut.

Nëse shpallet fajtor, Mening mund të dënohet me burgim të përjetshëm.

Kairo, 4 shkurt 2012 –

Në kryeqytetin Kajro, policia ka hedhur gaz lotsjellës dhe toptha nga armët, në përpjekje për ta penguar tubimin e protestuesve, që gjuanin me gurë, afër Ministrisë së brendshme dhe në vende të tjera në qytet.

Për dhunë është raportuar edhe në qytetet Suez dhe Aleksandri.

Raportohet se disa njerëz janë vrarë, ndërsa agjencia zyrtare e lajmeve, MENA, ka cituar Ministrinë e shëndetësisë, që thotë se më se 2500 njerëz janë plagosur.

Shumë protestues i fajësojnë institucionet dhe autoritetet ushtarake, që e udhëheqin Egjiptin, se kanë dështuar në ndaljen e dhunës futbollistike dhe i kanë akuzuar ata për shfrytëzimin e kryengritjes për ta parandaluar tranzicionin te qeveria civile.

Mynhen, 4 shkurt 2012 –

Duke folur në Konferencën e 48 Ndërkombëtare të Sigurisë në Munih të Gjermanisë, zonja Klinton tha se Evropa dhe Shtetet e Bashkuara duhet “krah për krahu” ta luftojnë tiraninë në vendet siç është Siria.

Me këtë rast ajo e ka akuzuar liderin Bashar al-Asad, për “brutalitet” ndaj popullit të tij.

Ajo, poashtu, ka bërë thirrje për unitet në  çështjet ekonomike, duke thënë se të dy palët duhet ta “riforcojnë ripërtritjen e njëri-tjetrit”.

Këto komente të zyrtares së lartë amerikane shihen si përpjekje nga administrata e Shteteve të Bashkuara, për energji të re në raportet ShBA-Evropë, përkundër shkurtimeve amerikane të buxhetit, tërheqjes së trupave nga Iraku dhe Afganistani dhe fokusimi në rritje në Azi.

Kabul, 4 shkurt 2012 –

Misioni ndihmës i OKB në Afganistan, i njohur si UNAMA, në raportin e publikuar tha se 3021 civilë janë vrarë, ndërsa pjesa më e madhe e tyre ishin vrarë nga kryengritësit.

Sipas raportit, 2790 civilë ishin vrarë në vitin 2010.

UNAMA njoftoi se militantët talibanë ishin përgjegjës për 77% të vrasjeve së civilëve në vitin 2011, ndërsa forcat e NATO-s dhe ato afgane janë për tu fajësuar për vrasjen e 14% të civilëve.

Për nëntë përqind të personave të vrarë nuk të fajësohet asnjëra palë.